बुलढाणा: बुलढाणा जिल्ह्यातील मेहकर (Crime News) शहरातून एक अत्यंत धक्कादायक आणि मन सुन्न करणारी दुहेरी हत्या समोर आली आहे. चारित्र्याच्या संशयातून एका (Buldhana News) निर्दयी पतीने आपल्या पत्नीची निर्घृण हत्या केली आणि याच हल्ल्यात त्याने स्वतःच्या चार वर्षीय मुलाचाही जीव घेतल्याची घटना उघडकीस आली आहे. ही संपूर्ण घटना मेहकर शहरातील शिक्षक कॉलनी परिसरात घडली असून, त्यामुळे परिसरात भीतीचे वातावरण निर्माण झाले आहे. (Latest Marathi News)
पोलिसांनी दिलेल्या माहितीनुसार, राहुल हरीभाऊ म्हस्के (वय 33) असे आरोपी पतीचे नाव आहे. त्याने पत्नी रूपाली म्हस्के आणि चार वर्षीय मुलगा रेहांश म्हस्के यांच्यावर घरातच कुऱ्हाडीने वार करून हत्या केली. कौटुंबिक वाद आणि पत्नीच्या चारित्र्यावर घेतलेल्या संशयातून हा प्रकार घडल्याचे प्राथमिक तपासात समोर आले आहे. नेहमीच्या वादातून ही घटना इतक्या टोकाला जाईल, याची कल्पनाही कुटुंबीयांना किंवा शेजाऱ्यांना नव्हती.
या घटनेची माहिती भास्कर शंकर वानखेडे (वय 55, रा. मोळा, तालुका मेहकर) यांनी मेहकर पोलीस ठाण्यात दिली. माहिती मिळताच पोलिसांनी तातडीने घटनास्थळी धाव घेतली. मात्र या हल्ल्यात पत्नी आणि मुलगा गंभीर जखमी झाले असून, उपचारापूर्वीच त्यांचा मृत्यू झाल्याचे डॉक्टरांनी घोषित केले. घरात रक्ताचे थरारक दृश्य पाहून पोलीस आणि नागरिकही हादरून गेले.
या प्रकरणी पोलिसांनी आरोपी राहुल म्हस्के याला ताब्यात घेतले असून त्याच्याकडून सध्या सखोल चौकशी सुरू आहे. घटनास्थळाचा पंचनामा करण्यात आला असून, वापरण्यात आलेली कुऱ्हाड पोलिसांनी जप्त केली आहे. पोलीस निरीक्षकांच्या मार्गदर्शनाखाली पुढील तपास सुरू आहे.
