बीड: बीड जिल्ह्यातील (Crime News) केज तालुक्यात सोनीगावजवळ (Beed News) म्हसोबा यात्रेनिमित्त आयोजित तमाशाच्या कार्यक्रमात एका (Kej News) तरुणाला स्टेजवरच बेदम मारहाण करण्यात आल्याची धक्कादायक घटना समोर आली आहे. या प्रकरणाचा व्हिडिओ सोशल मीडियावर व्हायरल झाला असून परिसरात खळबळ उडाली आहे. (Latest Marathi News)
मिळालेल्या माहितीनुसार, सुधीर प्रकाश वैरागे असे मारहाण झालेल्या तरुणाचे नाव आहे. सोनीगावजवळ सुरू असलेल्या तमाशाच्या कार्यक्रमाला मोठी गर्दी जमली होती. रात्री सुमारे 11 वाजण्याच्या सुमारास कार्यक्रम सुरू असतानाच काही तरुणांच्या टोळक्याने अचानक सुधीर वैरागे याला लक्ष्य केले. व्हिडिओमध्ये तमाशाच्या स्टेजवरच लाकडी काठ्या तसेच लाथा-बुक्क्यांनी त्याला मारहाण केली जात असल्याचे स्पष्टपणे दिसत आहे. (Marathi News)
View this post on Instagram
या हल्ल्यात सुधीर वैरागे गंभीर जखमी झाला आहे. त्याला तातडीने स्वाराती रुग्णालय येथे दाखल करण्यात आले असून त्याच्यावर उपचार सुरू आहेत. घटनेनंतर त्याच्या नातेवाईकांनी पोलिसांकडे धाव घेतली आहे.
मात्र, उपचार घेत असलेल्या तरुणाने दिलेल्या माहितीनुसार, या घटनेबाबत अद्याप पोलिसांकडून कोणतीही ठोस कारवाई करण्यात आलेली नाही. या मारहाणीमागचे नेमके कारण अद्याप स्पष्ट झालेले नाही. तसेच या प्रकरणी संबंधित पोलीस ठाण्यात अद्याप गुन्हा दाखल झाल्याची माहितीही समोर आलेली नाही.
व्हायरल व्हिडिओनंतर नागरिकांमध्ये संताप व्यक्त केला जात असून पोलिसांकडून तत्काळ कारवाईची मागणी केली जात आहे. या प्रकरणात पोलिसांवर नेमका कोण दबाव टाकत आहे का, असा सवालही उपस्थित केला जात आहे. या घटनेचा तपास सुरू असून पुढील कारवाईकडे संपूर्ण परिसराचे लक्ष लागले आहे.
