पुणे : पुण्यातुन चंदन तस्करी बाबत मोठी बातमी समोर आली आहे. पुणे-मुंबई द्रुतगती मार्गावरील उर्से टोल नाक्यावर पिंपरी चिंचवड येथे पोलिसांनी चंदनतस्करीचा ट्रक पकडला आहे. या प्रकरणी पुणे पोलिसांनी ट्रक चालकाला ताब्यात घेतलं आहे. पोलीस यामागील म्होरक्याचा तपास करत आहेत.
अधिक माहिती अशी की, पुणे-मुंबई द्रुतगती मार्गावरील उर्से टोल नाक्यावर पिंपरी चिंचवड येथे पोलिसांनी चंदनतस्करीचा ट्रक पकडला आहे. हा ट्रक बंगळुरूहून मुंबईच्या दिशेने जात होता. त्यावेळी पोलिसांनी उर्से टोल नाक्यावर कंटेनर भरुन चंदन जप्त केलं आहे. याप्रकरणी पुण्यातील पोलिसांनी सध्या चालकासह एकाला ताब्यात घेतलं असून त्यांची कसून चौकशी करण्यात येत आहे.
या बाबत प्राथमिक माहिती अशी की, जप्त केलेलं चंदन १० ते १२ कोटी रुपयांचं असल्याचा अंदाज व्यक्त केला जात आहे. मुंबईच्या जेएनपीटी बंदरावरून हे चंदन आंतरराष्ट्रीय बाजारात नेलं जाणार असल्याची शक्यता वर्तवली जात आहे. याप्रकरणी, पुण्यातील गुन्हे विभागाकडून अधिक तपास केला जात आहे.
