पुणे : पुणेकरांसाठी आनंदाची बातमी आहे. पुणेकरांचा प्रवास आता आणखी सोपा होणार आहे. पुण्यात लवकरच 4 नव्या वंदे भारत ट्रेन सुरू करण्यात येणार आहे. पुणे ते शेगाव, पुणे ते बडोदा, पुणे ते सिकंदराबाद, पुणे ते बेळगाव या मार्गांवर वंदे भारत ट्रेन होणार सुरू होणार आहे. पुण्यातून नुकत्याच काही दिवसांपूर्वी दोन वंदे भारत एक्सप्रेस सुरू झाल्या आहेत.
पुणे ते कोल्हापूर, पुणे ते हुबळी तसेच मुंबई ते सोलापूर अशा तीन वंदे भारत रेल्वे गाड्या पुण्याला मिळाल्या आहेत. त्यातच अजून काही नव्या वंदे भारत गाड्यांची भर यात पडणार आहे. त्यामुळे आता पुणेकरांचा प्रवास सुखकर होणार आहे. वेगवान म्हणून ओळख असलेल्या वंदे भारत ट्रेनचं जाळ राज्यभरात पसरलं आहे. या ट्रेनमुळे प्रवासाचा अवधी कमी होतो.
काय आहे तिकीटदर..
पुणे ते कोल्हापूर आणि कोल्हापूर ते पुणे या वंदे भारत एक्सप्रेससाठी प्रत्येक प्रवाशाकडून 560 रुपये दर आकारले जात आहे. त्याशिवाय या एक्सप्रेसमध्ये 52 एक्झिकिटिव्ह क्लास आहे. यामध्ये एका तिकीटाची किंमत 1135 पर्यंत आहे. पुणे ते कोल्हापूर एक्सप्रेस बुधवार, शुक्रवार आणि रविवार धावणार आहे.
