पुणे : राष्ट्रवादी काँग्रेसचे ज्येष्ठ नेते शरद पवार यांची प्रकृती सध्या स्थिर असून त्यांना रुग्णालयातून घरी सोडण्यात आले आहे. उपचार पूर्ण झाल्यानंतर ते मुंबईला परतल्याची माहिती डॉक्टरांनी दिली.
उपचार करणारे डॉ. परवेज ग्रँड यांनी सांगितले की, डिहायड्रेशनमुळे त्यांना संसर्ग झाला होता. आवश्यक वैद्यकीय उपचारांसह सलाईन देण्यात आल्यानंतर त्यांच्या प्रकृतीत लक्षणीय सुधारणा झाली. प्रकृती समाधानकारक झाल्यानंतर त्यांना डिस्चार्ज देण्यात आला.
डॉक्टरांनी पुढील दोन ते तीन दिवस संपूर्ण विश्रांती घेण्याचा सल्ला दिला असून, नियमित औषधे वेळेवर घ्यावीत तसेच नेहमीच्या दिनचर्येत आवश्यक काळजी घ्यावी, असेही सांगितले आहे.
