Sad News : पुणे : दोन दिवसांपूर्वी सेवानिवृत्त हवालदाराचा हृदयविकाराच्या झटक्याने मृत्यू झाल्याची घटना गुरुवारी (ता.१) घडली आहे. या दुख:द घटनेमुळे पुणे शहर पोलीस दलात शोककळा पसरली आहे. प्रकाश अनंता यादव असे मृत्यू झालेल्या पोलीस हवालदाराचे नाव आहे. (A retired constable died of a heart attack two days ago; Mourning in Pune City Police Force)
मिळालेल्या माहितीनुसार, प्रकाश यादव हे पुणे पोलीस मुख्यालयात सी कंपनीत कार्यरत होते. ते पोलीस जीम ट्रेनर होते. ते अत्यंत मनमिळावू स्वभावाचे होते. (Sad News ) यादव हे बुधवारी (ता.३१ मे) पुणे शहर पोलीस दलातून सेवानिवृत्त झाले होते. बुधवारी त्यांचा सेवानिवृत्तीचा कार्यक्रम पार पडला होता. यावेळी अपर पोलीस आयुक्त प्रवीण कुमार पाटील आणि पोलीस उपायुक्त संदीप सिंह गील यांच्याहस्ते यादव यांचा सत्कार करण्यात आला होता.
पोलीस कर्मचाऱ्यांनी श्रद्धांजली वाहिली
सेवानिवृत्तीच्या दुसऱ्या दिवशी यादव यांचा हृदयविकाराच्या झटक्याने मृत्यू झाल्याने पुणे पोलीस दलातून हळहळ व्यक्त केली जात आहे. (Sad News ) त्यांच्या अचानक जाण्याने कुटुंबाला मोठा धक्का बसला आहे. पुणे पोलीस दलातील वरिष्ठ अधिकाऱ्यासंह पोलीस कर्मचाऱ्यांनी प्रकाश यादव यांना श्रद्धांजली वाहिली आहे.
अधिक बातम्या वाचण्यासाठी येथे क्लिक करा :
Pune News : वानवडी व येरवडा वाहतूक विभागाअंतर्गत पार्किंग व्यवस्थेत बदल
