प्रतिनिधी अमित मुंडीक
Pune : महिलेचे अश्लील फोटो व व्हिडीओ काढून तिच्यावर लैंगिक अत्याचार करत ब्लॅकमेल करून खंडणी मागणाऱ्या आरोपींना भारती विद्यापीठ पोलीस स्टेशन पोलिसांनी अटक केली आहे. या प्रकरणी प्रताप रमेश जाधव (वय ४५) व पल्लवी प्रताप जाधव (वय २८) यांना १४ फेब्रुवारी २०२६ रोजी अटक करण्यात आली.
पोलिसांच्या माहितीनुसार, जून २०२४ मध्ये फिर्यादी महिलेनं २ लाख रुपये व्याजाने घेतले होते. रक्कम परत करूनही आरोपींकडून अधिक पैशांची मागणी सुरू होती. पैसे न दिल्याने महिलेला धमकावणे, लैंगिक अत्याचार करणे व फोटो-व्हिडीओ व्हायरल करण्याची धमकी देण्यात आली. तसेच खोट्या गुन्ह्यात अडकवण्याचा कट रचून १० लाख रुपयांची खंडणी मागण्यात आली.
या प्रकरणी भारतीय न्याय संहिता व सावकारी कायद्यान्वये गुन्हा दाखल असून पुढील तपास सुरू आहे.
