Pune News : पुणे : झोपण्यावरुन झालेल्या वादात एकाने तरुणाच्या अंगावर ज्वलनशील पदार्थ अंगावर टाकून त्याला पेटवून जीवे मारण्याचा प्रयत्न केल्याचा धक्कादायक प्रकार समोर आला आहे. हा प्रकार शनिवार पेठेतील मुठेश्वर मंदिराच्या जवळ असलेल्या वाचनालयात सोमवारी मध्यरात्री पाऊण वाजता घडला. आरोपीला पोलिसांनी अटक केली आहे. (A young man in Pune was set on fire in an argument over sleeping; The incident at the library near Mutheshwar temple)
मिलिंद सिद्धपा होसकुटी (वय ३८, रा. इंदिरानगर वसाहत, खडकी) हे भाजले आहेत. त्यांच्या छातीला व हाताला भाजले आहे. याप्रकरणी बालमुकुंद पंडीत (वय ५९, रा. बिबवेवाडी) याला विश्रामबाग पोलिसांनी अटक केली आहे. (Pune News)
खूनाचा प्रयत्न केल्याचा गुन्हा दाखल
मिळालेल्या माहितीनुसार, फिर्यादी आणि आरोपी हे एकमेकांच्या ओळखीचे आहेत. ते फिरस्ते आहेत. फिर्यादी यांना रविवारी रात्री घरी जाण्यास उशीर झाल्याने ते मुठेश्वर मंदिरात झोपण्यासाठी आले होते. त्या ठिकाणी झोपण्यावरुन त्यांचा पंडित याच्याशी वाद झाला. (Pune News) तेव्हा पंडितने त्याला शिवीगाळ करुन जीवे मारण्याची धमकी दिली. तेव्हा फिर्यादी हे बाजूला असलेल्या वाचनालयात जाऊन झोपले. ते झोपेत असताना पंडित याने त्यांच्या अंगावर ज्वलनशील पदार्थ टाकून त्याला आग लावून दिली. त्यात त्यांच्या छातीला व हाताला भाजले आहे. शेजारील बॅनरही जळून गेला.
पोलिसांनी खूनाचा प्रयत्न केल्याचा गुन्हा दाखल केला असून पंडित याला अटक केली आहे. (Pune News) पंडित याने त्यांच्या अंगावर कोणता ज्वलनशील पदार्थ टाकला, याची माहिती देत नसून सहायक पोलीस निरीक्षक निकुंभ तपास करीत आहेत.
अधिक बातम्या वाचण्यासाठी येथे क्लिक करा :
Pune News : गोळीबाराने पुणे हादरले! महंमदवाडीत पूर्ववैमनस्यातून सराईत गुन्हेगारावर गोळीबार
Pune News : डॉ.रामकृष्ण ढेरे आपल्या प्रदीर्घ शैक्षणिक सेवेतून सेवानिवृत्त…
