Pune News : पुणे : सिंहगड रस्त्यावरील नवशा मारुती मंदिराजवळ टीव्हीएस शोरुम दुचाकी विक्री दालन आहे. गुरुवारी (ता. ५) सकाळी पावणेआठच्या सुमारास दुचाकी विक्री दालनाला भीषण आग लागली. या आगीत २० ते २५ दुचाकी जळाल्या. अग्निशमन दलाच्या जवानांनी अर्ध्या तासात आग आटोक्यात आणली, त्यामुळे पुढील अनर्थ टळला.
२० ते २५ दुचाकी जळाल्या
सिंहगड रोडवरील नवशा मारुती मंदिराजवळील टीव्हीएस दुचाकीचे शोरुम बंद असताना आतून धूर येताना गुरुवारी सकाळी पावणेआठच्या सुमारास रस्त्यावरून ये-जा करणाऱ्या नागरिकांच्या लक्षात आले. (Pune News) काही क्षणात आग भडकली. याबाबतची माहिती तातडीने अग्निशमन दलाला देण्यात आली.
घटनेची माहिती मिळताच ५ गाड्या घटनास्थळी दाखल झाल्या. अग्निशमन दलाचे अधिकारी प्रशांत गायकर, प्रभाकर उमराटकर यांच्या मार्गदर्शनाखाली जवानांनी पाण्याचा मारा करुन आग अर्धा तासात आग आटोक्यात आणली. या आगीत २० ते २५ दुचाकी जळाल्या. (Pune News) आगीमागचे नेमके कारण अद्याप समजू शकले नाही. सध्या येथे कुलिंगचे काम सुरु आहे.
अधिक बातम्या वाचण्यासाठी येथे क्लिक करा :
Pune News : टोळीयुद्धातून तरुणाचा मृत्यू; आंदेकर टोळीचा म्होरक्या बंडू आंदेकरसह सहा साथीदार गजाआड
