लोणी काळभोर: थेऊर ते कोलवडी (Theur News) रस्त्यावरून घरी जात (Pune Crime) असताना दुचाकी रस्त्यात अडवून एकाच कुटुंबातील चार जणांना शिवीगाळ करून लाकडी बैटन पट्टी व दगडाने बेदम मारहाण केल्याची घटना घडली आहे. या मारहाणीत एक महिला गंभीर जखमी झाली आहे. ही घटना थेऊर (ता. हवेली) ग्रामपंचायत हद्दीतील श्री चिंतामणी विद्यामंदिर व कनिष्ठ महाविद्यालय शाळेच्या मेनगेट समोर मंगळवारी (ता.16) रात्री 8 ते 10 वाजण्याच्या सुमारास घडली आहे. लोणी काळभोर पोलीस ठाण्यात बकासुरासह चार जणांवर गुन्हा दाखल करण्यात आला आहे.
तनिष्का गणेश नायक (वय 19, नोकरी रा. गावठेवस्ती, नम्रता कॉलगी, साई विश्व सोसायटी, प्लॅट नंबर २०३, मांजरी बुद्रुक ता. हवेली जि.पुणे) असे जखमी झालेल्या महिलेचे नाव आहे. तर अक्षय धनाजी सोनवणे, प्रसाद धनाजी सोनवणे, सविता धनाजी सोनवणे (रा. थेऊर ता. हवेली जि. पुणे) व बकासुर (पुर्ण नाव पत्ता माहीती नाही) अशी गुन्हा दाखल करण्यात आलेल्या आरोपींची नावे आहेत.
पोलिसांनी दिलेल्या महिरीनुसार, फिर्यादी तनिष्का नायक व त्यांचे पती गणेश, सासु अंबीका, सासरे दिलीप नायक व ननंद लक्ष्मी हे सर्वजण मांजरी बुद्रुक (ता. हवेली) येथील घरी मोटार सायकलवरुन चालले होते. तेव्हा थेऊर कोलवडी रस्त्यावरून जात असताना, त्यांच्या दुचाक्या श्री चिंतामणी शाळेच्या मेनगेट आल्या. तेव्हा पाठीमागुन अचानक अक्षय धनाजी सोनवणे, प्रसाद धनाजी सोनवणे व बकासुर पुर्ण नाव पत्ता माहीती नाही हे तेथे आले. त्यांनी दुचाक्या अडवल्या. आणि शिवीगाळ करण्यास सुरवात केली.
दरम्यान, अक्षय सोनवण व प्रसाद सोनवणे यांनी लाकडी बैटन पट्टीने फिर्यादी तनिष्का, अंबीका नायक व नंनद लक्ष्मी सोनवणे यांना मारहाण केली. तर बकासुर याने तेथे रोडच्या कडेला पडलेला दगड हातात घेऊन फिर्यादी तनिष्का नायक यांना मारला. तनिष्का नायक यांच्या कपाळला दगड लागल्याने त्या जखमी झाल्या. त्यानंतर आरोपींनी अंबीका नायक व लक्ष्मी सोनवणे हाताने मारहाण करुन शिवीगाळ केली.
याप्रकरणी तनिष्का नायक यांनी याप्रकरणी लोणी काळभोर पोलीस ठाण्यात फिर्याद दिली आहे. त्यानुसार वरील चारही आरोपींवर भारतीय न्याय संहीता कलम 115 (1), 118 (1),125,352, 3(5), प्रमाणे गुन्हा दाखल करण्यात आला आहे. पुढील तपास लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांच्या मार्गदर्शनाखाली पोलीस हवालदार चंद्रकांत माने करत आहे
