पुणे: प्रवासादरम्यान रस्त्याच्या कडेला आराम करण्यासाठी थांबलेल्या महिलेच्या गळ्यातील मंगळसूत्र तिघांनी हिसकावले असल्याची घटना पुणे-सोलापूर राष्ट्रीय महामार्गावरील वाखारी गावच्या हद्दीत घडली.
याबाबत अधिक माहिती अशी की दिनांक 28 डिसेंबर रोजी पहाटे ०२.३० च्या सुमारास वाखारी गावच्या हद्दीत इंडियन ऑइल पेट्रोल पंपा समोर पुणे-सोलापूर राष्ट्रीय महामार्गाशेजारी असलेल्या सेवा रस्त्यावर प्रवासादरम्यान आपल्या चारचाकी वाहनात आराम करत असताना ३ अनोळखी व्यक्तींनी चालक बाजूकडील काचेवर लोखंडी रॉडने हल्ला केला. ‘तुमच्याकडे जे काय आहे ते काढून दे’ असे म्हणत फिर्यादीच्या गळ्यातील ८८ हजार रुपये किंमतीचे 22 ग्रॅम वजनाचे मनी मंगळसूत्र जबरदस्तीने हिसकावून अंधाराचा फायदा घेत पळून गेले.
याबाबतची फिर्याद स्वप्नाली आकाश वाघमारे यांनी यवत पोलीस स्टेशन येथे दिली असून यावरून तीन अज्ञात चोरट्यांविरोधात यवत पोलीस स्टेशन येथे गुन्हा दाखल करण्यात आला आहे. याबाबत अधिक तपास पोलीस सहाय्यक पोलीस निरीक्षक किशोर वागज हे करीत आहेत.
