अमित मुंडीक
पुणे: निवडणुकीच्या पार्श्वभूमीवर (Pune Crime) कायदा व सुव्यवस्था अबाधित राखण्यासाठी पुणे शहर पोलीस दलाकडून कडक प्रतिबंधात्मक उपाययोजना राबविण्यात येत असून, त्याच अनुषंगाने मांजरी पोलीस स्टेशन अंतर्गत अवैध गांजा विक्री करणाऱ्या एका आरोपीस अटक करण्यात आली आहे. (Pune News)
वरिष्ठ पोलीस निरीक्षक श्री. बाबासाहेब निकम यांच्या मार्गदर्शनाखाली मांजरी पोलीस स्टेशनच्या तपास पथकाकडून पेट्रोलिंग सुरू असताना एक इसम संशयास्पद हालचाल करताना आढळून आला. त्यास ताब्यात घेऊन चौकशी केली असता आरोपीचे नाव सागर मल्हारी राखपसरे (वय ३४, रा. मांजरी) असे असल्याचे निष्पन्न झाले.
आरोपीकडे अधिक तपास केला असता त्याच्याकडून १ किलो ०५१ ग्रॅम वजनाचा गांजा जप्त करण्यात आला असून, त्याची अंदाजे किंमत ३३,९३० रुपये आहे. आरोपीविरुद्ध कायदेशीर कारवाई करण्यात आली असून सदर प्रकरणाचा पुढील तपास सहाय्यक पोलीस निरीक्षक उमेश रोकडे करीत आहेत. ही कारवाई अपर पोलीस आयुक्त (पूर्व प्रादेशिक विभाग) मनोज पाटील, उप-आयुक्त (परिमंडळ ६) सागर कवडे आणि सहाय्यक पोलीस आयुक्त लोणीकाळभोर विभाग अनुराधा उदमले यांच्या मार्गदर्शनाखाली करण्यात आली.
या कारवाईत पोलीस उपनिरीक्षक महेश कवळे यांच्यासह पोलीस अंमलदार प्रदीप सोनवणे, सचिन जाधव, निखील पवार, प्रशांत दुधाळ, अशोक अंधारे, चंद्रकांत रेजितवाड, रविकांत कचरे, ज्ञानेश्वर चोरमले आणि माधव हिरवे यांनी सहभाग घेतला.
