पुणे: पुणे जिल्ह्यातील आंबेगाव तालुक्यातील थोरांदळे गावातून समोर (Ambegaon News) आलेल्या एका भीषण घटनेने ग्रामीण भागातील सुरक्षेचा प्रश्न पुन्हा ऐरणीवर आणला आहे. पाईन मळा (Pune Crime) परिसरात एकटे राहणाऱ्या 62 वर्षीय शेतकरी दामोदर जयराम मिडे यांची अज्ञात चोरट्यांनी निर्घृण हत्या केली. या घटनेमुळे संपूर्ण परिसरात भीती आणि संतापाचे वातावरण निर्माण झाले आहे. (Latest Marathi News)
प्राथमिक माहितीनुसार, रविवारी मध्यरात्रीच्या सुमारास दरोड्याच्या उद्देशाने काही अज्ञात आरोपींनी मिडे यांच्या घरात प्रवेश केला. एकटे असल्यामुळे त्यांनी प्रतिकार करण्याचा प्रयत्न केला असावा. मात्र आरोपींनी त्यांच्यावर अत्यंत क्रूर पद्धतीने हल्ला करत डोक्यावर धारदार शस्त्राने वार केले. हा हल्ला इतका भीषण होता की मिडे यांचा घटनास्थळीच मृत्यू झाला.
सोमवारी सकाळी ही घटना उघडकीस आल्यानंतर गावात एकच खळबळ उडाली. घरातील सामान अस्ताव्यस्त अवस्थेत आढळल्याने हा प्रकार दरोड्याशी संबंधित असल्याचा प्राथमिक अंदाज पोलिसांनी व्यक्त केला आहे. मात्र नेमका किती ऐवज चोरीला गेला, याबाबत अद्याप स्पष्ट माहिती समोर आलेली नाही.
घटनेची माहिती मिळताच पुणे ग्रामीण पोलिसांनी तात्काळ घटनास्थळी धाव घेत पंचनामा केला. ठसेतज्ज्ञ आणि श्वानपथकाच्या मदतीने पुरावे गोळा करण्यात आले असून, आरोपींचा शोध घेण्यासाठी विशेष पथके रवाना करण्यात आली आहेत.
ग्रामीण भागात एकटे राहणारे ज्येष्ठ नागरिक अधिक असुरक्षित होत चालले आहेत. शेतीच्या कामासाठी मळ्यावर राहणाऱ्या अनेक कुटुंबांमध्ये या घटनेनंतर भीतीचे सावट पसरले आहे. ग्रामस्थांनी आरोपींना तात्काळ अटक करून कठोर कारवाई करण्याची मागणी केली आहे.
