थेऊर: अष्टविनायकांमधील एक तीर्थक्षेत्र असलेल्या थेऊर (ता. हवेली) येथे संकष्टीनिमित्त भाविकांनी गर्दी केली होती. विविध ठिकाणांहून आलेल्या भाविकांनी पहाटेपासूनच दर्शनासाठी रांगा लागल्या होत्या.
चंदनाचा लेप लावलेल्या स्वयंभू मुर्तीला हारतुऱ्यांची सजावट, धुप अत्तराचा दरवळत असलेला सुंगध यातून ‘गणपती बाप्पा मोरया, मंगलमूर्ती मोरया’च्या जयघोषात चिंतामणीच्या दर्शनासाठी हजारो भाविक दाखल झाले होते. अश्विन महिन्यातील संकष्टी चतुर्थी असल्याने भाविकांनी चिंतामणीच्या दर्शनासाठी गर्दी केली होती.
पहाटे पुजारी अजय आगलावे यांच्या हस्ते श्रींची पूजा करण्यात आली. चिंचवड देवस्थानच्या वतीने श्री चिंतामणीची महापूजा करण्यात आली. यावेळी विश्वस्त केशव विद्वांस उपस्थित होते. देवस्थान तर्फे मंदिर प्रांगण आणि मंदिराबाहेर मांडव घालण्यात आले होते, दर्शनबारी व पिण्याच्या पाण्याची व्यवस्था करण्यात आली होती. दुपारी देवस्थान तर्फे भाविकांना उपवासाची खिचडी वाटण्यात आली.
दरम्यान, सायंकाळी चिंतामणी भजनी मंडळ यांच्या साथीने ह.भ.प. विशाल (महाराज) फलके, परभणी यांचे सुभाष्य कीर्तन झाले, चंद्रोदयानंतर श्रींचा छबिना निघला त्यांनतर उपस्थित भाविकांना ग्रामस्थांतर्फे महाप्रसाद देण्यात आला. जास्त गर्दी होण्याची शक्यता असल्याने देवस्थान तर्फे जादा सुरक्षा व्यवस्था करण्यात केली होती. ग्रामपंचायती तर्फे पार्किंगची व्यवस्था करण्यात आली होती. देवस्थानचे विश्वस्त केशव उमेश विद्वांस लक्ष ठेवून होते.
