बारामती, ता. 27: खंडणी देण्यास नकार दिल्याने हॉटेल व्यावसायिकाला जीवे ठार मारण्याची धमकी देत टोळक्याने कोयत्याने हल्ला केल्याची घटना बारामती शहर परिसरात घडली आहे. याप्रकरणी शहर पोलीस ठाण्यात आठ जणांवर गुन्हे दाखल करण्यात आले आहेत. शुक्रवारी (ता. 26) रात्री सव्वा आठ वाजण्याच्या सुमारास प्रगतीनगर बारामती चिंचकर चौक येथेही घटना घडली आहे.
विनायक मारक (मांबरी), राहूल चव्हाण, राज गावडे, आदीत्य बगाड़े, निहाल जाधव, विवेक पुर्ण नाव माहीत नाही (सर्व रा. शेळकेवस्ती दादा पाटील नगर तांदुळवाडी, बारामती) तसेच दोन आनोळखी मुले नाव पत्ता माहीत नाही) अशा आठ जणांवर शहर पोलीस ठाण्यात गुन्हा दाखल करण्यात आला आहे. वरील आरोपींवर पोलीस ठाण्यात विविध कलमान्वये गुन्हे दाखल आहेत. याप्रकरणी आकाश सिद्धनाथ काळे (वय 29,व्यवसाय हॉटेल रा. बारामती देसाई इस्टेट ता.बारामती) यांनी फिर्याद दिली आहे.
पोलिसांनी दिलेल्या माहितीनुसार, चिंचकर चौक परिसरात फिर्यादी आकाश काळे यांचे चायनीज नावाचे हॉटेल आहे. शुक्रवारी संध्याकाळी वरील आरोपी हे चायनीज नावाचे हॉटेलवर येवून काळे यांना 15 दिवसापुर्वी हॉटेल चालू ठेवण्याकरीता खंडणी मागितली होती. त्यावेळी काळे यांनी त्यांना खंडणी देण्यास नकार दिला होता.
त्याचा राग मनात धरून काळे यांना हॉटेलमध्ये येवून जिवे ठार मारण्याच्या उद्देशाने वरील आठ जणांनी संगनमताने फिर्यादीवर कोयत्याने हमला करून जिवे ठार मारण्याचा प्रयत्न केला. तसेच दुकानातील गल्ल्यातील 8 हजार 300 रुपयांची रोख रक्कम गल्ल्यात हात घालून घेऊन गेले असल्याचे फिर्यादीत म्हटले आहे.
दरम्यान, फिर्यादीच्या इच्छेविरूद्ध गल्ल्यातील पैसे दहशतीने काढून घेवून जावून शस्रासह दरोडा टाकला. तसेच पोलीस स्टेशन कडुन शुक्रवारी (ता. 26) औषधोउपचारासाठी मेडीकल यादी मिळाली होती. त्याप्रमाणे उपचार घेवुन तक्रार देण्यासाठी बारामती शहर पोलीस ठाण्यात हजर राहिले असल्याचे फिर्यादीत म्हटले आहे.
तपास पोलीस उपनिरीक्षक विलास मोरे करीत आहेत.
