बारामती: बारामती नगरपरिषद निवडणुकीच्या (Ajit Pawar) प्रचाराची सांगता करताना उपमुख्यमंत्री अजित पवार यांनी आज बारामतीतील (Baramati Nagar Parishad Election) नागरिकांशी भावनिक (Baramati News) संवाद साधला. या वेळी त्यांनी पुन्हा एकदा कौटुंबिक वादाचा मुद्दा उपस्थित (Sharad Pawar) करत थेट मनातील भावना मांडल्या. “तुम्ही मला साथ देता, पण घरातले लोकही साथ देत नाहीत. तुम्ही (Baramati News) साथ देता म्हणूनच मी झोकून देऊन काम करतो,” असे म्हणत त्यांनी बारामतीकरांबद्दल कृतज्ञता व्यक्त केली. बारामतीच्या विकासासाठी आपण किती कटिबद्ध आहोत, हे सांगताना त्यांनी आतापर्यंत राबवलेल्या आणि सुरू असलेल्या विविध विकासकामांची माहिती दिली. (Maharashtra Politics)
अजित पवार म्हणाले की, “1991 पासून तुम्ही माझ्यावर प्रेम केलं, मला साथ दिली. आजही काही घरातले लोक साथ देत नाहीत, पण तुमचा विश्वास आहे म्हणून मी अहोरात्र काम करत राहतो.” या वक्तव्यातून सध्याच्या राजकीय परिस्थितीत कौटुंबिक पातळीवर असलेले अंतर पुन्हा एकदा स्पष्टपणे समोर आले. (Latest Marathi News)
या वेळी त्यांनी विरोधकांवरही जोरदार टीका केली. “विरोधक निवडणूक आली कीच बारामतीत दिसतात. उरलेल्या पाच वर्षांत ते कुठे असतात? गल्ल्या-बोळ दाखवून बारामतीची बदनामी करण्याचा प्रयत्न केला जातो. पण बारामतीचा सर्वांगीण विकास फक्त मीच करू शकतो,” असा दावा त्यांनी केला. विधानसभेच्या निवडणुकीच्या वेळीही बदनामीचे प्रयत्न झाले होते, असे सांगत त्यांनी मतदारांना सावध राहण्याचे आवाहन केले. “बाहेरची लोक येतील, काहीही बोलतील. त्यांना बारामतीचे काही देणेघेणे नाही. त्यांच्या नादी लागू नका, फक्त माझा नाद करा,” असेही त्यांनी सांगितले.
नगरपरिषद निवडणुकीबाबत बोलताना अजित पवार म्हणाले की, “नगरपरिषदेमध्ये जर नगरसेवक कमी आले तर अडचण मलाच होते. उमेदवार कोण आहे ते पाहू नका, मी आहे ना. काम करून घेण्याची जबाबदारी माझी आहे.” यासाठी त्यांनी सर्व 41 जागांवर समर्थन मागितले.
आपली भूमिका स्पष्ट करताना त्यांनी सांगितले की, “मी शिव, शाहू, फुले आणि आंबेडकर यांच्या विचारांनी प्रेरित कार्यकर्ता आहे. जात-धर्माचा विचार आम्ही कधीच केला नाही. माझ्या वडिलधाऱ्यांकडून मला तीच शिकवण मिळाली आहे.” या शब्दांत त्यांनी विरोधकांच्या राजकारणाला उत्तर देत प्रचाराची सांगता केली.
