अमिन मुलाणी
सविंदणे : शिरूर तालुक्यातील अष्टविनायक महामार्गावर अज्ञात वाहनाच्या धडकेत कवठे येमाई येथील तरुणाचा मृत्यू झाला आहे. गणेश बाबुराव इचके असं अपघातात मृत्यू झालेल्या तरुणाच नाव आहे. हा तरुण अष्टविनायक महामार्गावर म्हाळोबा नगर कडे चालत जात असताना फाट्याजवळ त्याला अज्ञात वाहनाने जोरदार धडक दिली. या अपघातात तरुणाचा जागीच मृत्यू झाला आहे.
मिळालेल्या अधिक माहितीनुसार, गुरूवार २१ डिसेंबरला रात्री साडे नऊ वाजण्याच्या सुमारास कवठे येमाई गावच्या हद्दीत पारगाव शिंगवे ते कवठे येमाई कडे जाणाऱ्या अष्टविनायक महामार्गावर गणेश बाबुराव इचके (वय ३५ वर्ष रा. म्हाळोबा नगर, कवठे येमाई ता. शिरूर) हा पायी चालत जात होता. अज्ञात वाहनाने त्याला जोरदार धडक दिली.
या धडकेत तरुणाच्या डोक्याला, हातपायाला, पाठीला गंभीर दुखापती झाल्याने त्याचा दुर्दैवी मृत्यू झाला. या घटनेबाबत गणेश इचके यांचा भाऊ सुनिल इचके यांनी शिरूर पोलिस स्टेशनमध्ये गुन्हा दाखल केला आहे. या घटनेचा पुढील तपास सहाय्यक पोलिस निरीक्षक अमोल पन्हाळकर करत आहेत.
