pune crime : पुणे – खेड मधील शिरोलीतील एका घरात एका विवाहित महिलेची क्रूर हत्या झाल्याची धक्कादायक घटना समोर आली आहे. रूपाली विलास वाडेकर (वय ४६, कल्याण) असं या मृत महिलेचं नाव आहे. या महिलेचा मृतदेह गुरुवारी रात्री उशिरा मिळाला. रूपाली मूळची ठाण्याची होती, आणि काही दिवसांपासून ती शिरोलीत ललित दिपक खोल्लम (वय ३७) या व्यक्तीसोबत यांच्या घरी राहत होती. ललित आणि रूपाली यांच्यात अनैतिक संबंध होते, पण त्यांच्यात वारंवार वाद होत होते. शेजाऱ्यांनी सांगितल्याप्रमाणे, रात्री उशिरापर्यंत दोघांमध्ये जोरदार भांडणं झाली होती. त्यानंतर रात्री साडेअकराच्या सुमारास, रूपालीचा रक्ताने माखलेला मृतदेह ललितच्या घरात आढळला. तिच्या गळ्याचे धारदार हत्याराने चिरले असल्याचे दिसून आले. या घटनेमुळे परिसरात एकच खळबळ उडाली. (pune crime)
आरोपीवर खूनाचा गुन्हा दाखल
घटनेची माहिती मिळताच खेड पोलिसांनी तात्काळ कारवाई सुरू केली. आरोपी ललित खोल्लम याच्यावर खूनाचा गुन्हा दाखल करण्यात आला आहे, पण तो सध्या फरार आहे. पोलिस त्याचा शोध घेत आहेत. ललित हा यापूर्वी एकदा तुरुंगात जाऊन आलेला असल्याचे सांगितले जात आहे.
शिरोली परिसरात भीतीचं वातावरण
रूपालीचे पती काही महिने पूर्वी मरण पावले होते, त्यानंतर ती नातेवाईकांकडे राहत होती आणि काही दिवसांपूर्वी शिरोलीत ललितच्या घरी आली होती. पोलिसांनी या प्रकरणाचा तपास सुरू केला आहे, आणि शिरोली परिसरात भीतीचं वातावरण निर्माण झालं आहे.
