पुणे: फारूख इनामदार (Sadik Kapoor Suicide) यांच्या त्रासामुळेच सादिक कपूर (Farukh Inamdar) यांनी आत्महत्या केल्याचा गंभीर आरोप सादिक कपूर यांच्या कुटुंबीयांनी केला आहे. कुटुंबीयांच्या (Ajit Pawar) म्हणण्यानुसार, गेल्या अनेक वर्षांपासून फारूख इनामदार आणि त्यांच्या काही साथीदारांकडून सादिक कपूर यांना (Pune Crime) सातत्याने मानसिक त्रास दिला जात होता. वेगवेगळ्या माध्यमांतून त्यांच्याकडे खंडणीची मागणी केली जात होती, तसेच धमक्याही दिल्या जात असल्याचा आरोप करण्यात आला आहे. (Latest Marathi News)
कुटुंबीयांनी दिलेल्या माहितीनुसार, सन 2014 मध्ये सादिक कपूर यांच्या पत्नीने विष प्राशन करून आत्महत्या करण्याचा प्रयत्न केला होता. मात्र, त्यानंतरही फारूख इनामदार यांच्याकडून होणारा कथित त्रास थांबला नाही. एका जमिनीच्या वादावरून सादिक कपूर यांना वारंवार त्रास देण्यात आला. खंडणीची मागणी, जमिनीचा ताबा जबरदस्तीने घेण्याचा प्रयत्न आणि खोट्या गुन्ह्यांत अडकवण्याचा कट रचल्याचा आरोप कुटुंबीयांनी केला आहे.
या सततच्या त्रासाला कंटाळून सादिक कपूर यांनी आत्महत्या केल्याचा दावा कुटुंबीयांनी केला आहे. आत्महत्येपूर्वी त्यांनी आपल्या हातावर तसेच सुसाईड नोटमध्ये फारूख इनामदार यांचे नाव लिहिले असल्याचे कुटुंबीयांनी सांगितले. सुसाईड नोटमध्ये काही पोलीस अधिकारी तसेच इतर व्यक्तींची नावेही नमूद असल्याचा आरोप करण्यात आला आहे. माझ्यावर खोटे गुन्हे दाखल करून आयुष्य उद्ध्वस्त करण्यात आले, त्यामुळे मला आत्महत्येचा मार्ग स्वीकारावा लागत असल्याचे सादिक कपूर यांनी सुसाईड नोटमध्ये नमूद केल्याचा दावा आहे. याप्रकरणी फारुख इनामदारवर गुन्हा दाखल करण्यात आला आहे.
सादिक कपूर यांच्या कुटुंबीयांनी राज्याचे मुख्यमंत्री आणि देशाचे पंतप्रधान यांच्याकडे न्यायाची मागणी केली आहे. या प्रकरणाची सखोल आणि निष्पक्ष चौकशी करण्यात यावी, तसेच कुटुंबीयांच्या जीविताला धोका असल्याने पोलीस संरक्षण देण्यात यावे, अशी मागणी करण्यात आली आहे. या गंभीर आरोपांनंतर पोलीस प्रशासन या प्रकरणाकडे कशा पद्धतीने लक्ष देते, याकडे सर्वांचे लक्ष लागले आहे.
