पुणे: राज्यात महानगरपालिका (Pune Politics) निवडणुकीच्या प्रचाराची रणधुमाळी सुरू (Ravindra Dhangekar) असून अनेक शहरांत सभा, बैठका आणि प्रचार दौरे सुरू (Chandrakant Patil) आहेत. या प्रचारात सत्ताधारी (Nilesh Ghaiwal) आणि विरोधकांमध्ये आरोप-प्रत्यारोप होत असताना महायुतीमधील नेतेही एकमेकांवर टीका करताना दिसत आहेत. अशातच उपमुख्यमंत्री एकनाथ शिंदे यांच्या शिवसेनेचे नेते आणि माजी आमदार रवींद्र धंगेकर यांनी भाजपाचे नेते तथा मंत्री चंद्रकांत पाटील यांच्यावर जोरदार हल्लाबोल केला आहे.
चंद्रकांत पाटील यांनी एका कार्यक्रमात अमोल बालवडकर यांना तिकीट का नाकारले याचा खुलासा करत त्यांच्यावर गुंडांसोबतच्या व्हायरल व्हिडिओवरून टीका केली होती. या वक्तव्यावरून रवींद्र धंगेकर यांनी चंद्रकांत पाटील यांना लक्ष्य केले आहे.
रवींद्र धंगेकर यांनी एक्सवर एक पोस्ट शेअर करत चंद्रकांत पाटील यांचे काही फोटो प्रसिद्ध केले आहेत. या फोटोमध्ये चंद्रकांत पाटील आणि कुख्यात गुंड निलेश घायवळ एकत्र दिसत असल्याचा दावा धंगेकर यांनी केला आहे. यावरून त्यांनी चंद्रकांत पाटील यांच्यावर निशाणा साधला आहे.
“गुंडांसोबतच्या व्हायरल वीडियो मुळे अमोल बालवडकर यांचे तिकीट कापले”,असे चंद्रकांत पाटील काल एका सभेदरम्यान म्हणाले.
एवढे संवेदनशील चंद्रकांत पाटील असतील तर कोथरूड मधे गुंडगिरी फोफवली असती का?
आता सोबत दिलेल्या फोटोमध्ये चंद्रकात पाटील आणि कुख्यात गुंड निलेश घायवळ दिसत आहे.… pic.twitter.com/bzRUKBnGcr— Ravindra Dhangekar Official (@DhangekarRavii) January 11, 2026
धंगेकर यांनी म्हटले आहे की, गुंडगिरीविषयी नैतिकतेचे धडे देणाऱ्या चंद्रकांत पाटलांनी बालवडकरांना लावलेल्या नियमाप्रमाणे स्वतःही कोल्हापूरला जायला हवे. गुंडांसोबतच्या व्हायरल व्हिडिओमुळे अमोल बालवडकर यांचे तिकीट कापले, असे चंद्रकांत पाटील म्हणतात. मग कोथरूडमध्ये गुंडगिरी फोफावली असती का, असा सवालही त्यांनी उपस्थित केला आहे.
सोबत दिलेल्या फोटोमध्ये चंद्रकांत पाटील आणि निलेश घायवळ एकत्र दिसत असल्याचा दावा करत धंगेकर यांनी पुन्हा एकदा चंद्रकांत पाटील यांच्यावर टीका केली आहे. या आरोपांमुळे पुण्यातील राजकीय वातावरण आणखी तापण्याची शक्यता आहे.
