पुणे: लग्नाचे आमिष दाखवून (Pune Crime) एका तरुणीशी शारीरिक संबंध ठेवत (Pune News) तिला वारंवार गर्भपात करण्यास भाग पाडल्याचा गंभीर प्रकार पुण्यात उघडकीस आला आहे. संबंधित तरुण दुसऱ्या तरुणीसोबत फिरत असल्याचे समोर आल्यानंतर फसवणूक झालेल्या तरुणीने अखेर पोलिसांकडे धाव घेतली. या प्रकरणी बाणेर पोलिसांनी आरोपी तरुणाला अटक केली आहे. (Latest Marathi News)
गुन्हा दाखल
शिवेंद्रकुमार सुरेंद्रकुमार सिंग (वय 33, रा. सफरॉन अंबर सोसायटी, सुस, मुळ रा. बिहार) असे अटक करण्यात आलेल्या आरोपीचे नाव आहे. या प्रकरणी 28 वर्षांच्या तरुणीने बाणेर पोलीस ठाण्यात फिर्याद दिली आहे. हा प्रकार 1 मार्च 2024 ते 17 डिसेंबर 2025 या कालावधीत घडला असल्याचे फिर्यादीत नमूद करण्यात आले आहे. (Breaking News)
लग्नाचं वचन देऊन शरीरसंबंध अन् गर्भपात
पोलिसांनी दिलेल्या माहितीनुसार, शिवेंद्रकुमार याने संबंधित तरुणीशी ओळख वाढवून तिला लग्नाचे आश्वासन दिले. या विश्वासावर त्याने तिच्याशी शारीरिक संबंध ठेवले. या संबंधातून तरुणी चार वेळा गर्भवती राहिली. प्रत्येक वेळी आरोपीने तिला दबाव टाकून गर्भपात करण्यास भाग पाडले. यामुळे तरुणीला शारीरिक आणि मानसिक त्रास सहन करावा लागला.
दुसऱ्या तरुणीसोबत रंगेहाथ पकडलं
दरम्यान, शिवेंद्रकुमार हा दुसऱ्या तरुणीसोबत फिरत असल्याचे तरुणीच्या लक्षात आले. याबाबत तिने जाब विचारला असता आरोपीने तिला शिवीगाळ करत मारहाण केली. तसेच तुला जे करायचे आहे ते कर, मी बघून घेतो अशी धमकी दिल्याचा आरोपही तरुणीने केला आहे. आपल्यावर प्रेम करणारी व्यक्तीच विश्वासघातकी निघाल्याचे लक्षात आल्यानंतर तरुणीने पोलिसांकडे तक्रार दाखल केली.
तक्रारीच्या आधारे बाणेर पोलिसांनी शिवेंद्रकुमार सिंग याला अटक केली असून या प्रकरणाचा पुढील तपास सहायक पोलीस निरीक्षक लामखडे करत आहेत. या घटनेमुळे लग्नाचे आमिष दाखवून होणाऱ्या फसवणुकीच्या प्रकारांबाबत पुन्हा एकदा गंभीर प्रश्न उपस्थित झाले आहेत.
