Pune Crime: पुणे : पुणे (Pune) शहरात दोन वेगवेगळ्या गुन्हेगारी प्रकरणांमध्ये फरार असलेल्या आरोपींना पोलिसांनी अटक केल्याने पोलीस यंत्रणेला मोठे यश मिळाले आहे. हडपसर (Hadapsar) येथील खून प्रकरणातील आरोपीला उत्तराखंडमधून अटक (Arrest) करण्यात आली असून बिबवेवाडीतील दहशत माजवणाऱ्या आरोपीलाही गजाआड करण्यात आले आहे. Pune Crime
हडपसर परिसरात किरकोळ वादातून एका व्यक्तीला कालव्यात ढकलून दिल्याने त्याचा मृत्यू झाल्याची घटना 5 मे 2024 रोजी उन्नतीनगर भागात घडली होती. विनोद मधुकर शार्दुल वय 45 रा. दिवा जिल्हा ठाणे हे बेशुद्ध अवस्थेत कालव्यात आढळून आले होते. नागरिकांनी माहिती दिल्यानंतर पोलिसांनी त्यांना पाण्याबाहेर काढून ससून रुग्णालयात दाखल केले. मात्र उपचारांपूर्वीच त्यांचा मृत्यू झाला. या प्रकरणी हडपसर पोलिसांनी खुनाचा गुन्हा दाखल केला होता. तपासात वैभव मनोज जाधव वय 24 रा. छत्रपती संभाजीनगर याने किरकोळ वादातून शार्दुल यांना कालव्यात ढकलल्याची माहिती समोर आली होती. त्यानंतर आरोपी फरार झाला होता.
हरिद्वार येथून आरोपीला अटक
गेले 20 महिने फरार असलेल्या जाधवचा शोध घेत असताना तो उत्तराखंडमधील हरिद्वार येथे असल्याची माहिती पोलिसांना मिळाली. हडपसर पोलिसांच्या पथकाने हरिद्वार येथे जाऊन एका लॉजमध्ये सापळा रचत गुरुवारी 25 डिसेंबर रोजी त्याला ताब्यात घेतले. आरोपीला अटक करून पुण्यात आणण्यात येत आहे.
दरम्यान, दिवसेंदिवस गुन्हेगारीचे प्रमाण वाढत असल्याने नागरिक त्रस्त झाले आहेत. अनेक भागांत चोरी, मारहाण आणि गंभीर गुन्ह्यांच्या घटनांमध्ये वाढ होत असल्याचे चित्र दिसत आहे. त्यामुळे नागरिकांमध्ये भीतीचे वातावरण निर्माण झाले असून पोलिसांचा धाक उरलाच नाही, अशी चर्चा सर्वसामान्यांमध्ये सुरू आहे. कायदा व सुव्यवस्था अधिक कडक करण्याची आणि गुन्हेगारांवर कठोर कारवाई करण्याची मागणी नागरिकांकडून केली जात आहे.
