पुणे: दहशतवादी संघटनेच्या संपर्कात (Pune Crime) असल्याच्या संशयावरून अटक करण्यात आलेल्या संगणक अभियंता जुबेर हंगरगेकर याच्या (Juber Hangerkar) मोबाईल आणि लॅपटॉपमधील डेटामधून अफगाणिस्तान आणि हाँगकॉगशी संबंधित कनेक्शन समोर आले आहे. या प्रकरणात अधिक तपासासाठी न्यायालयाने जुबेर हंगरगेकर याला 3 जानेवारीपर्यंत एटीएस कोठडी मंजूर केली आहे. (Latest Marathi News)
एटीएसने पुण्यातील 19 ठिकाणी छापे टाकून देशविरोधी साहित्य जप्त केले होते. या तपासादरम्यान जुबेर हंगरगेकर याचे नाव पुढे आले. त्यानंतर पुणे स्टेशन परिसरातून त्याला अटक करण्यात आली होती. जुबेर इलियास हंगरगेकर (वय 32) याच्या मोबाईलमध्ये पाकिस्तानी क्रमांक आढळून आला होता. त्यानंतर त्याच्या मोबाईल आणि लॅपटॉपचे फॉरेन्सिक लॅबमध्ये तांत्रिक विश्लेषण करण्यात आले.
या विश्लेषणातून ठाणे जिल्ह्यातील पडघा परिसरात जाऊन काही तरुणांना भारताविरोधात भडकावणारी भाषणे दिल्याचे पुरावे मिळाले आहेत. पडघा परिसराला ‘ग्रेटर सिरिया’ म्हणून ओळख निर्माण करण्याचा काही जणांचा हेतू असल्याचेही तपासात समोर आले आहे. या प्रकरणात जुबेर हंगरगेकर याच्याविरुद्ध बेकायदा हालचाली प्रतिबंधक कायठिकाणी छापे टाकून देशविरोधी साहित्य जप्त केले होते. या तपासादरम्यान जुबेर हंगरगेकर याचे नाव पुढे आले. त्यानंतर पुणे स्टेशन परिसरातून त्याला अटक करण्यात आली होती. जुबेर इलियास हंगरगेकर (वय 32) याच्या मोबाईलमध्ये पाकिस्तानी क्रमांक आढळून आला होता. त्यानंतर त्याच्या मोबाईल आणि लॅपटॉपचे फॉरेन्सिक लॅबमध्ये तांत्रिक विश्लेषण करण्यात आले.
या विश्लेषणातून ठाणे जिल्ह्यातील पडघाद्यान्वये म्हणजेच युएपीए अंतर्गत गुन्हा दाखल करण्यात आला आहे. या कायद्यानुसार आरोपीविरुद्ध 30 दिवसांची पोलीस कोठडी मिळू शकते.
यापूर्वी जुबेर हंगरगेकर याची 18 दिवसांची पोलीस कोठडी घेण्यात आली होती. त्याच्याकडील इलेक्ट्रॉनिक साधनांचे विश्लेषण अद्याप पूर्ण न झाल्याने एटीएसने पोलीस कोठडीचा अधिकार राखून ठेवत त्याला न्यायालयीन कोठडीत पाठवले होते. त्यानंतर वॉरंट घेऊन एटीएसने त्याला बुधवारी विशेष न्यायालयात हजर केले.
अतिरिक्त सरकारी वकील राजेश कावेडिया यांनी न्यायालयात माहिती देताना सांगितले की, जुबेरच्या टेलिग्राम ग्रुपमधील 102 आयडींपैकी 4 आयपी अॅड्रेस मिळाले आहेत. त्यापैकी 3 आयपी अॅड्रेस अफगाणिस्तानमधील असून 1 आयपी अॅड्रेस हाँगकॉगमधील आहे. डिजिटल तपासातून जुबेरचा थेट आंतरराष्ट्रीय दहशतवादी नेटवर्कशी संबंध असल्याचे स्पष्ट होत आहे.
जुबेरच्या मोबाईल आणि लॅपटॉपमध्ये अल कायदा इन इंडियन सब कॉन्टिनेंटशी संबंधित मॅनिफेस्टो आणि इन्स्पायर मासिक आढळले आहे. त्यामध्ये एके 47 बंदुकीच्या प्रशिक्षणाचे फोटो तसेच स्फोटके तयार करण्याचे फॉर्म्युलाही सापडले आहेत. त्याच्या साथीदाराच्या झडतीत 12 मोबाईल, 6 लॅपटॉप, 1 पेनड्राईव्ह आणि 2 लाख 35 हजार रुपये जप्त करण्यात आले आहेत. एकूण जप्त डिजिटल डेटाचे प्रमाण 1 टीबीपेक्षा जास्त असून त्याचे विश्लेषण सुरू आहे. या माहितीच्या आधारे पुढील चौकशी आवश्यक असल्याने विशेष न्यायाधीश पी. वाय. लाडेकर यांनी जुबेर हंगरगेकर याला 3 जानेवारीपर्यंत एटीएस कोठडी मंजूर केली आहे.
