पिंपरी-चिंचवड: स्थानिक स्वराज्य संस्थांच्या (PCMC Election) निवडणुका एकत्रित लढविण्याचा (Pune News) नवा पॅटर्न तयार करण्याच्या हालचाली वाढल्या आहेत. राष्ट्रवादी काँग्रेसने शिवसेनेच्या प्रमुख पदाधिकाऱ्यांना युतीचा प्रस्ताव देत चर्चा सुरू केली आहे. या युतीमुळे दोन्ही पक्षांच्या इच्छुकांना (Ajit Pawar) अन्याय होऊ नये, याची खबरदारी (Eknath Shinde) घेण्याचा प्रयत्न सुरू असून अंतिम निर्णय उपमुख्यमंत्री अजित पवार घेतील, असे पक्षाकडून सांगितले जात आहे. पिंपरी चिंचवड महापालिका निवडणुकीत चांगली कामगिरी करण्यासाठी राष्ट्रवादी काँग्रेसकडून मोठ्या प्रमाणात तयारी सुरू आहे. अनेक वर्षे रखडलेली कार्यकारिणी जाहीर करून पक्षाने संघटना बळकट केली आहे. कार्यकारिणीत 192 पदाधिकाऱ्यांचा समावेश करून ज्येष्ठ आणि तरुणांचे संतुलन साधण्याचा प्रयत्न करण्यात आला आहे. गटबाजी किंवा नाराजी टाळण्यावर विशेष भर देण्यात आला आहे. (Breaking News)
याचबरोबर प्रभागनिहाय सर्व्हे सुरू असून त्यातून योग्य उमेदवार निवडण्याचा प्रयत्न सुरू आहे. राष्ट्रवादीने उमेदवारीसाठी इच्छुकांकडून 25 नोव्हेंबरपर्यंत अर्ज मागवले आहेत. बहुतांश प्रभागांतून दोन ते तीन इच्छुक समोर आले असून अंतिम निवड करताना नाराजी होऊ नये, यासाठी सर्व्हेला महत्त्व दिले जात आहे. स्थानिक पदाधिकारी आणि शहरातील नेते सर्व्हेत सक्रिय आहेत. अजित पवार यांनी नियुक्त केलेल्या स्वतंत्र पथकाने प्रभागांची क्षेत्रभेट सुरू केली आहे. प्रतिस्पर्धी पक्षांची ताकद, मतदानाचा कल, स्थानिक समीकरणे आणि विजयाची शक्यता यांचे निरीक्षण करून सर्वात सक्षम उमेदवार ठरवण्याचे काम सुरू आहे.
सर्व्हेचा अहवाल आल्यानंतर उमेदवारी जाहीर करताना प्रक्रिया अधिक स्पष्ट होईल. दोन प्रभागांमध्ये आरक्षण बदलल्याने इच्छुकांमध्येही बदल होणार असून त्यासाठी नवीन इच्छुकांचा शोध घेतला जात आहे. उमेदवार निवडताना प्रभागातील सक्रियता, जनसंपर्क, कुटुंबाची सामाजिक पार्श्वभूमी आणि निवडून येण्याची क्षमता हे निकष पाहिले जातील. सर्व्हेच्या आधारे तयार झालेली यादी अंतिम मान्यतेसाठी उपमुख्यमंत्री अजित पवार यांच्याकडे पाठवली जाईल. दरम्यान शिवसेनेसोबत युतीबाबत प्राथमिक चर्चा झाल्याचे राष्ट्रवादीचे शहराध्यक्ष योगेश बहल यांनी सांगितले. मात्र निवडणुकीची तारीख जाहीर झालेली नसल्याने कोणताही ठोस निर्णय झालेला नाही, असं खासदार श्रीरंग बारणे यांनी स्पष्ट केलं.
