Daund Politics दौंड, ता. 29 : पुणे जिल्ह्यातील अत्यंत प्रतिष्ठेच्या मानल्या गेलेल्या नांदूर (ता. दौंड) ग्रामपंचायतीच्या सरपंच पदाच्या पोटनिवडणुकीत राजकीय समीकरणांना जबरदस्त धक्का बसला आहे. या चुरशीच्या लढतीत विशाल नरेंद्र थोरात यांनी तब्बल ३०४ मतांनी दणदणीत विजय मिळवत ‘जायंट किलर’ ठरण्याचा मान पटकावला आहे. Daund Politics
या निवडणुकीत राष्ट्रवादी काँग्रेसच्या प्रभावी नेत्या रुपाली चाकणकर यांच्या कुटुंबीयांना मोठा धक्का बसला आहे. त्यांचे बंधू, पुणे जिल्हा राष्ट्रवादी काँग्रेसचे उपाध्यक्ष पोपटराव कुंडलिक बोराटे यांचे पुतणे संतोष बबन बोराटे यांना पराभवाचा सामना करावा लागला. त्यामुळे या निकालाकडे संपूर्ण जिल्ह्याचे लक्ष लागले होते.
दौंड येथे बुधवारी (ता. 29) झालेल्या मतमोजणीत सुरुवातीपासूनच थोरात यांनी आघाडी घेतली आणि अखेर निर्णायक विजयावर शिक्कामोर्तब केले. माजी आमदार रमेश थोरात गटाच्या माजी सरपंच लतिका थोरात यांचे सुपुत्र विशाल थोरात यांनी स्थानिक पातळीवर मजबूत संघटनशक्ती आणि प्रभावी रणनीतीच्या जोरावर ही बाजी मारली. Daund Politics
विजयानंतर थोरात समर्थकांनी फटाक्यांची आतषबाजी करत जल्लोष साजरा केला, तर बोराटे गटात मात्र शांतता पसरली. संतोष बोराटे यांचा पराभव हा केवळ एका उमेदवाराचा नाही, तर स्थानिक राजकारणातील बदलत्या समीकरणांचा मोठा संकेत मानला जात आहे. नांदूरच्या या निकालाने दौंड तालुक्यातील राजकारण ढवळून निघाले असून, आगामी निवडणुकांसाठीही हा निकाल ‘टर्निंग पॉइंट’ ठरण्याची शक्यता व्यक्त केली जात आहे. Daund Politics
