Bhigwan News : भिगवण : भाजपा युवा मोर्चाच्या वतीने सेवा पंधरवड्यानिमित्त येथील कला महाविद्यालयामध्ये रक्तदान शिबीराचे आयोजन करण्यात आले होते. भिगवण व परिसरातील युवकांनी रक्तदान शिबीरास उत्तम प्रतिसाद दिला.
रक्तदान शिबीरास उत्तम प्रतिसाद
भाजप युवा मोर्चाच्या वतीने आयोजित रक्तदान शिबीराचे उद्घाटन भाजप युवा मोर्चाच्या पुणे जिल्हाध्यक्ष अंकिता पाटील-ठाकरे यांच्या हस्ते करण्यात आले. (Bhigwan News) या वेळी निरा भिमा साखर कारखान्याचे संचालक राजवर्धन पाटील, भाजप प्रदेश कार्यकारिणी सदस्य मारुती वणवे, माजी सरपंच पराग जाधव, पंचायत समितीचे माजी सभापती संजय देहाडे, अर्बन बॅंकेचे माजी अध्यक्ष अशोक शिंदे, तुषार खराडे, अभिजीत देवकाते, संचालक संजय जगताप, संपत बंडगर, तेजस देवकाते, अभिमन्यु खटके, प्रशांत वाघ, सुनिल वाघ, सुनिल काळे, सतीश काळे, विश्वास देवकाते, सुर्यकांत सवाणे, कपील भाकरे, गुराप्पा पवार, डॉ. महादेव वाळुंज उपस्थित होते.
या वेळी बोलताना अंकिता पाटील ठाकरे म्हणाल्या की, युवकांना रोजगार व नोकरीच्या संधी उपलब्ध करुन देण्यासाठी देशाचे पंतप्रधान नरेंद्र मोदी यांच्या माध्यमातून विशेष प्रयत्न करण्यात येत आहेत.(Bhigwan News) सेवा पंधरवड्यानिमित्त भाजप युवा मोर्चाच्या वतीने विधायक उपक्रम राबविण्यात येत आहेत. युवकांनी विधायक उपक्रमांमध्ये सहभागी व्हावे.
कार्यक्रमाचे प्रास्ताविक व सूत्रसंचालन डॉ. बाळासाहेब काळे यांनी केले तर आभार डॉ. राजाराम गावडे यांनी मानले. रक्तदान शिबिरासाठी पुणे यथील अक्षय ब्लड बॅंक तसेच भिगवण कला महाविद्यालयाचे शिक्षक व शिक्षकेतर कर्मचाऱ्यांचे सहकार्य लाभले.
अधिक बातम्या वाचण्यासाठी येथे क्लिक करा :
Bhigwan News : विद्यार्थ्यांच्या जडणघडणीत शिक्षकांचा मोठा वाटा : भूषण काळे
