पुणे : पुण्यातून एक धक्कादायक प्रकार समोर आला आहे. कोरेगाव पार्क परिसरातून तीन वर्षाच्या मुलीचं अपहरण करण्यात आल्याची घटना घडली आहे. ही घटना शहरातील कोरेगाव पार्क परिसरात आज (दि. 26) दुपारी 3 वाजण्याच्या सुमारास घडली आहे. काळ्या रंगाच्या चारचाकी वाहनातून (गाडी नंबर MH-14/1065) अल्पवयीन मुलीचे अपहरण करण्यात आले आहे. या प्रकारानंतर पुणे पोलिसांनी बंडगार्डन पोलीस ठाण्याच्या हद्दीत कडक नाकाबंदी करण्यात आली आहे.
