मुंबई : ”महाराष्ट्राच्या एका मंत्र्याकडून काही अपशब्द वापरले गेले. याची प्रतिक्रिया संपूर्ण महाराष्ट्रात उमटली. कारण अशा प्रकारची वक्तव्ये ही महाराष्ट्राची संस्कृती नाही. असं बोलणं-वागणं ही आपली परंपरा नाही. अशा प्रकारची वक्तव्ये सत्तेच्या केंद्रस्थानी बसलेल्या लोकांकडून अपेक्षित नसतात”,अशी प्रतिक्रिया सुप्रिया सुळे यांनी ट्वीटच्या माध्यमातून दिली आहे.
सलग तीन ट्वीट करताना सुप्रिया सुळे म्हणाल्या, ”जर कुणी चुकीचे बोलले असेल, त्यांनी महिलांचा सन्मान जपला नसेल म्हणून आपण अस्वस्थ होणं स्वाभाविक असलं तरी आपण या सगळ्या प्रवृत्ती बाजूला टाकूयात आणि महाराष्ट्राची जी सुसंस्कृत परंपरा आहे, ती जतन करुया.” त्या म्हणाल्या की, याप्रसंगी राज्यातील विविध क्षेत्रातील कार्यकर्त्यांनी, जाणकारांनी समंजसपणाची भूमिका दाखवून महाराष्ट्र हा सुसंस्कृतच महाराष्ट्र आहे, हे पुन्हा एकदा अधोरेखित केले, असं म्हणता त्यांनी कृतज्ञता व्यक्त केली आहे.
तत्पूर्वी, सुप्रिया सुळे सोमवारी सत्तार यांनी केलेल्या वादग्रस्त वक्तव्यावर ”मी यावर भाष्य करणार नाही.” अशी प्रतिकिया दिली होती.
