Maharashtra Politics: निवडणूका तोंडावर आले असताना, बुलढाणा जिल्ह्यातून एक धक्कादायक घटना समोर येत आहे. वंचित बहुजन आघाडीचे अधिकृत उमेदवार शेख जिलानी (Shekh Jilani )यांच्यावर दबाव टाकून उमेदवारी अर्ज मागे घेण्यास भाग पाडण्यात येत आहे. या संदर्भात पक्षाच्या बड्या नेत्या सविता मुंडे यांनी केला आहे. (Maharashtra Politics)
मिळालेल्या माहितीनुसार, सिंदखेडराजा नगराध्यक्ष पदाच्या निवडणूकी दरम्यान शेख जिलानी हे बेपत्ता झाले. त्यामुळे बुलढाण्यातील राजकिय वातावरण तापले आहे. सविता मुंडे यांनी पत्रकार परिषदेत सांगितले की, शेख जिलानी यांना उमेदवारी अर्ज मागे घेण्यासाठी धमकी देण्यात आली होती. त्यांच्यावर मानसिक दबाब देण्याचा प्रयत्न केला जात होता. धक्कादायक म्हणजे त्यांच्या कुटुंबियांनी शेख जिलानी बेपत्ता असल्याचे सांगितले.
राष्ट्रवादी कॉंग्रेसवर सविता मुंडे यांचा आरोप
शेख जिलानी बेपत्ता झाल्यामुळे राजकारणात एकच खळबळ उडाली आहे. त्यांच्यावर मानसिक दबाव टाकण्यात आला होता. या प्रकरणामागे अजित पवार गटातील राष्ट्रवादी कॉग्रेसचे जिल्हाध्यक्ष नाझीर काझी यांचाय सहभाग असल्याचा आरोप केला जात आहे. आमच्या उमेदवाराचे अपहरण झाले असून हा प्रकार लोकशाहीवर घाला असल्याचे मुंडे यांनी ठामपणे नमूद केले.
या घटनेची माहिती बुलढाणा पोलिसांना देण्यात आली असून शेख जिलानी यांचाय तात्काळ शोध घ्यावा अशी विनंती वंचित बहुजन आघाडीच्या वतीने करण्यात आली आहे. तसेच लवकरात लवकर आरोपींवर कारवाई करण्यात यावी अशी मागणी प्रशासनाकडे करण्यात आली आहे.
