मध्य प्रदेश: मध्य प्रदेशच्या रेवामध्ये ऑनलाइन गेमिंगच्या (Viral News) नादामुळे एक भीषण (MP News) आणि संतापजनक घटना समोर आली आहे. गुढ कस्बेच्या वॉर्ड नंबर 15 मध्ये नवविवाहित नेहा पटेल हिचा मृतदेह तिच्याच घरी आढळल्याने परिसरात खळबळ उडाली आहे. नेहाचा पती रणजीत पटेल याला पबजी खेळण्याचा खूप नाद होता आणि यामुळे घरातलं वातावरण बिघडलेलं राहायचं. (Breaking News)
नेहा आणि रणजीत यांचा विवाह 5 मे 2025 रोजी झाला होता. लग्नानंतर नेहावर सतत हुंड्यासाठी दबाव टाकला जात असल्याची माहिती पोलिसांना मिळाली आहे. हुंड्याच्या त्रासामुळे एकदा नेहाच्या कुटुंबीयांनी तिला माहेरी नेले होते. काही दिवसांनी रणजीत सासरच्या घरी गेला आणि तिला परत घेऊन आला. पण नेहाचा छळ थांबला नाही.
घटनेच्या आदल्या रात्री पुन्हा एकदा पती-पत्नीमध्ये जोरदार भांडण झाले. नेहाला नवऱ्याचा पबजी खेळण्याचा नाद आवडत नव्हता. ती सतत त्याला कामधंद्याकडे लक्ष देण्याचा सल्ला देत होती. यामुळे चिडलेल्या रणजीतने रागाच्या भरात नेहाचा गळा दाबून तिची हत्या केली. हत्या केल्यानंतर त्याने घराचा दरवाजा बाहेरून बंद केला आणि पळून गेला.
पळून जाताना रणजीतने नेहाच्या मेहुण्याला मेसेज पाठवला की, मी नेहाची हत्या केली आहे, तुम्ही येऊन तिचा मृतदेह घेऊन जा. मेसेज मिळताच नेहाचे कुटुंबीय तत्काळ तिच्या घरी पोहोचले. दरवाजा उघडून त्यांनी आत पाहिले तेव्हा नेहा जमिनीवर मृतावस्थेत पडलेली दिसली. समोरचं दृश्य पाहून संपूर्ण कुटुंब हादरून गेलं.
पोलिसांनी घटनास्थळाची पाहणी केली असून आरोपी रणजीतचा शोध सुरू आहे. ऑनलाइन गेमिंगच्या नादामुळे आणि हुंड्याच्या त्रासामुळे एका नवविवाहितेचा अशा दुर्दैवी पद्धतीने मृत्यू झाल्याने या प्रकरणावर मोठ्या प्रमाणात संताप व्यक्त केला जात आहे.
