LPG Cylinder Rate: जीएसटी परिषदेच्या नुकत्याच पार पडलेल्या महत्त्वपूर्ण बैठकीत देशाच्या करप्रणालीत मोठे बदल करण्यात आले असून, 12% आणि 28% हे जीएसटी स्लॅब हटवून फक्त 5% आणि 18% हे दोनच दर कायम ठेवण्यात आले आहेत. या निर्णयामुळे अन्नधान्य, कपडे, एसी, टीव्ही, कार यांसारख्या रोजच्या वापरातील वस्तू अधिक स्वस्त होणार असून, ग्राहकांसाठी ही दिलासादायक बाब आहे. हे नवीन दर 22 सप्टेंबरपासून देशभर लागू होतील.
एलपीजी सिलिंडरच्या दरात बदल नाही (LPG Cylinder Rate)
या निर्णयानंतर नागरिकांमध्ये एलपीजी सिलिंडरच्या किमतींबाबत उत्सुकता निर्माण झाली होती. मात्र, सरकारने स्पष्ट केले आहे की घरगुती आणि व्यावसायिक वापरासाठीच्या एलपीजी सिलिंडरवरील जीएसटी दरात कोणताही बदल करण्यात आलेला नाही.
सध्या घरगुती वापरासाठीच्या एलपीजी सिलिंडरवर 5% जीएसटी तर व्यावसायिक वापरासाठीच्या सिलिंडरवर 18% जीएसटी आकारला जातो आणि हे दर पुढेही कायम राहणार आहेत.
सिलिंडरचे दर जसेच्या तसे (LPG Cylinder Rate)
नवीन जीएसटी सुधारणांमुळे अनेक वस्तू स्वस्त होतील, पण एलपीजी सिलिंडरच्या दरात कोणताही फरक पडणार नाही. सरकारने सिलिंडरवरील जीएसटी दर कायम ठेवण्याचा निर्णय घेतल्यामुळे, ग्राहकांना सिलिंडरच्या किमतीत कोणतीही दिलासा मिळणार नाही.
22 सप्टेंबरपासून जीएसटी दरात बदल होणार असले तरी एलपीजी सिलिंडरवरील जीएसटी 5% (घरगुती) आणि 18% (व्यावसायिक) एवढाच राहणार आहे.
