Rajasthan Car Accident : राजस्थानमधील अजमेर येथे एका भीषण अपघाताची घटना समोर येत आहे. अपघातात तीन मित्रांचा होरपळून मृत्यू झाला आहे. भरधाव कार डिव्हायडरला धडकल्याने भीषण अपघात झाला आहे. या धडकेनंतर कारने पेट घेतल्याने कारमधील तीन मित्रांचा दुर्दैवी मृत्यू झाला आहे. तर दोनजण गंभीर जखमी झाले आहेत. शनिवारी रात्री 11.30 वाजण्याच्या सुमारास हा अपघात झाला. स्थानिक नागरिकांनी गाडीच्या काचा फोडून जखमींना बाहेर काढले.
दरम्यान, भरधाव कार डिव्हायडरला धडकून कारला आग लागल्याने दोघांचा जागीच होरपळून मृत्यू झाला. तर अन्य तीन जखमींना रुग्णालयात नेण्यात आले. जखमींना उपचारसाठी रुग्णालयात नेत असताना वाटेतच आणखी एकाचा मृत्यू झाला. त्याचबरोबर अन्य दोन जखमींवर उपचार सुरू असून दोघांची प्रकृती चिंताजनक असल्याची माहिती आहे.
मिळालेल्या अधिक माहितीनुसार, कृष्णा हा त्याचा मित्र उमेश आणि अन्य तीन जणांसह कारमधून पुष्कर येथे गेले होते. पुष्करहून परताना अजमेर येथील लोहगल रोडवर त्यांची कार दुभाजकावर जोरात आदळली. कारचा वेग एवढा जास्त होता की ते विरुद्ध दिशेला वळले, कारमध्ये गॅस किट लावल्यामुळे कारने क्षणात पेट घेतला.
काही वेळात कार आगीच्या भक्ष्यस्थानी गेली. कार उलटल्याने पाचही जणांना बाहेर पडणे अशक्य होते. सर्वजण जीव वाचवण्यासाठी मोठमोठ्याने आवाज देत होते. त्यावेळी स्थानिक नागरिकांनी कसंबसं तीन जणांना कारच्या बाहेर काढलं. मात्र आग वाढल्याने दोघांना बाहेर काढण शक्य झालं नसल्याने दोघांचा जागीच मृत्यू झाला.
VIDEO | Three people died after a car hit a divider and caught fire in Rajasthan’s Ajmer. pic.twitter.com/yckFIC5IiR
— Press Trust of India (@PTI_News) December 17, 2023
