कोलकाता : कोलकाता येथील आरजी कर मेडिकल कॉलेज आणि हॉस्पिटलमध्ये ड्युटीवर असलेल्या महिला डॉक्टरवर बलात्कार आणि हत्या केल्याप्रकरणी सियालदह न्यायालयाने संजय रॉय याला दोषी ठरवले आले आहे. 9 ऑगस्ट 2024 रोजी सकाळी, उत्तर कोलकाता येथील सरकारी वैद्यकीय महाविद्यालय आरजी कर येथे एका प्रशिक्षणार्थी महिला डॉक्टरचा अनेक जखमांच्या खुणा असलेल्या मृतदेह आढळून आला होता. या घटनेने देशात एकच खळबळ उडाली होती.
शवविच्छेदन अहवाल समोर आल्यावर आरोपीने आधी पीडितेवर बलात्कार केला आणि नंतर तिची गळा आवळून हत्या केल्याचे उघड झाले होते. तिच्या मृत्यूची पुष्टी करण्यासाठी आरोपीने तिचा दोनदा गळा दाबून तिचा जीव घेतला होता. सुरुवातीला आरजी कर मेडिकल कॉलेजने ही आत्महत्या असल्याचे सांगितले होते, पण नंतर हे प्रकरण समोर आल्यानंतर देश हादरून गेला होता.
कोलकाता येथील आरजीकर मेडिकल कॉलेज आणि हॉस्पिटलमध्ये ड्युटीवर असलेल्या महिला डॉक्टरवर बलात्कार आणि हत्या केल्याप्रकरणी सियालदह न्यायालयाने संजय रॉय याला दोषी ठरवले आहे. यावेळी पीडितेचे आई-वडीलही न्यायालयाच्या आवारात उपस्थित होते. संजय रॉय याला सोमवारी (20 जानेवारी 2025) शिक्षा सुनावण्यात येणार आहे.
मी हे केलेले नाही – संजय रॉय
एएनआय या वृत्तसंस्थेने दिलेल्या वृत्तानुसार, आरोपी संजयने न्यायाधीशांना सांगितले की, “मला खोट्या प्रकरणात अडकवण्यात आले आहे. मी हे केलेले नाही. ज्यांनी हे केले त्यांना सोडले जात आहे. यात एक आयपीएस अधिकारी देखील सहभागी आहे.” दि. 9 ऑगस्ट 2024 रोजी सकाळी, उत्तर कोलकाता येथील सरकारी वैद्यकीय महाविद्यालय आरजी कर येथे एका प्रशिक्षणार्थी महिला डॉक्टरचा मृतदेह अनेक जखमांच्या खुणा असलेल्या अवस्थेत आढळून आला होता.
यांनतर एकच खळबळ उडाली होती.
आरोपींविरुद्ध बीएनएस कलम ६४,६६, १०३/१ लावण्यात आल्याचे न्यायालयाचे म्हटले आहे. तो मेडिकल कॉलेज आणि हॉस्पिटलच्या सेमिनार रूममध्ये गेला आणि तिथे आराम करत असलेल्या महिला डॉक्टरवर बलात्कार करून मारहाण करून तिची हत्या केली, अशी तक्रार आरोपीविरुद्ध आहे. डॉक्टरची हत्या आणि बलात्कार प्रकरणातील आरोपी संजय रॉय विरुद्धच्या खटल्याची सुनावणी 9 जानेवारी रोजी पूर्ण होऊन, त्यादरम्यान 50 साक्षीदारांची चौकशी करण्यात आली.
बलात्कार आणि गळा दाबून हत्या केल्याचा आरोप
शवविच्छेदन अहवालात आरोपीने आधी पीडितेवर बलात्कार केला आणि नंतर तिचा गळा दाबून खून केल्याचे उघड झाले आहे. तिच्या मृत्यूची पुष्टी करण्यासाठी आरोपीने तिचा दोन वेळा गळा दाबून जीव घेतला होता. सुरुवातीला आरजी कर मेडिकल कॉलेजने ही आत्महत्या असल्याचे सांगितले होते, परंतु प्रकरणात समोर येत गेलेल्या माहितीनंतर मात्र पूर्ण देशाला एकच हादरा बसला होता.
