न्यूयॉर्क: अमेरिकेचे माजी राष्ट्राध्यक्ष बराक ओबामा आणि त्यांची पत्नी मिशेल यांच्यात घटस्फोट झाल्याच्या बातम्यांनी तो जगभरात चर्चेचा विषय ठरला आहे. अभिनेत्री जेनिफर अॅनिस्टन हिच्याशी असलेल्या कथित संबंधांतून बराक आणि मिशेल यांच्यात दुरावा आल्याचे मानले जात आहे. त्यातच दूरचित्रवाणी सेलिब्रिटी, लेखिका, ब्लॉगर मेघन मॅक्केन आणि पत्रकार पल्मिरी यांनी त्यांच्या पॉडकास्टमध्ये ते ‘स्वतंत्र जीवन जगत आहेत’ अशी टिप्पणी करून आगीत तेल ओतले आहे.
राष्ट्राध्यक्ष डोनाल्ड ट्रम्प यांचा शपथविधी समारंभ आणि माजी राष्ट्राध्यक्ष जिमी कार्टर यांच्या अंत्यसंस्काराला बराक ओबामा उपस्थित होते; परंतु या दोन्ही वेळी मिशेल अनुपस्थित राहिल्याने दोघांत घटस्फोट झाल्याच्या बातम्या पसरल्या. ओबामा दाम्पत्य विभक्त झाल्याच्या अफवा ऐकू येत आहेत आणि या अफवा खऱ्या असल्याचे मला अनेक प्रतिष्ठित व्यक्तींनी सांगितले,’ असा दावा पत्रकार तारा पल्मिरी यांच्या पॉडकास्टमध्ये बोलताना, मॅक्केन यांनी केला आहे. त्यावर पल्मिरी यांनीही बॉम्ब टाकला. ‘ते स्वतंत्र जीवन जगत आहेत, असे मी बऱ्याच काळापासून ऐकते आहे,’ असे त्या म्हणाल्या. त्यानंतर दोघांनी मिशेल यांचा वाढदिवस साजरा करण्यापूर्वी बराक यांनी पोस्ट केलेल्या फोटोबद्दल गप्पा मारल्या. आता ओबामा राजकारणात ‘नसल्यामुळे त्यांनी वॉशिंग्टनला टाटा करावा, मिशेल ओबामा यांनाही नेहमीच राजकारणाचा तिरस्कार राहिला आहे.
अभिनेत्री जेनिफर अॅनिस्टनशी प्रेमसंबंध ?
अभिनेत्री जेनिफर अॅनिस्टन आणि बराक ओबामा रिलेशनशिपमध्ये आहे, असा दावा एका गॉसिप मासिकाने केल्यानंतर मिशेल यांना विश्वासघात झाल्यासारखे वाटत होते. त्यानंतर जेनिफरने या बातम्या धादांत खोट्या असल्याचा खुलासा केला होता. ‘आपली बराक ओबामा यांच्याशी फक्त एकदा भेट झाली. उलट मिशेल यांना मी जास्त ओळखते,’ असेही तिने म्हटले होते. जेनिफर अॅनिस्टन ही हॉलीवूड स्टार ५५ वर्षांची आहे.
डिसेंबरमध्ये शेवटचे एकत्र दिसले
६२ वर्षांच्या झालेल्या मिशेल ओबामा ९ जानेवारीला माजी राष्ट्राध्यक्ष जिमी कार्टर यांच्या अंत्यसंस्कारात उपस्थित नव्हत्या. शिवाय, त्या डोनाल्ड ट्रम्प यांच्या शपथविधी समारंभालाही अनुपस्थित होत्या. या घटनाक्रमामुळे या दाम्पत्याचा घटस्फोट झाल्याच्या बातम्या पसरल्या. एका महिन्यापूर्वी डिसेंबरच्या सुरुवातीला जेव्हा ओबामा दाम्पत्य लॉस एंजेलिसमध्ये जेवणासाठी बाहेर पडले होते, तेव्हा ते शेवटचे एकत्र दिसले होते.
