रिलायन्स जिओ कंपनी पाठोपाठ आता एअरटेलने देखील ग्राहकांना मोठा झटका दिला आहे. एअरटेलने शुक्रवारी आपल्या प्रीपेड आणि पोस्टपेड प्लॅनच्या किमती वाढवल्या आहेत. एअरटेल कंपनीच्या सर्व योजनांसाठीचे नवीन शुल्क दर ३ जुलैपासून लागू होणार आहेत. एअरटेल कंपनी ही ३८ कोटींहून अधिक ग्राहकांसह देशातील दुसरी सर्वात मोठी टेलिकॉम कंपनी आहे. याबाबतचं वृत्त एएनआयने दिलं आहे. या मोबाईल प्लॅन्सच्या नवीन शुल्क दरांवर आपण एकदा नजर टाकूया…
अनलिमिटेड व्हॉइस प्लॅन्स :
१. १७९ रुपयांच्या प्लॅनचे शुल्क १९९ रुपये करण्यात आले असून या प्लॅनमध्ये तुम्हाला २८ दिवसांची वैधता, २ जीबी डेटा, अनलिमिटेड कॉलिंग आणि दिवसाला १०० एसएमएस अशी सेवा मिळणार आहे.
२. ४५५ रुपयांच्या प्लॅनचे शुल्क ५०९ रुपये करण्यात आले असून या प्लॅनमध्ये तुम्हाला ८४ दिवसांची वैधता, ६ जीबी डेटा, अनलिमिटेड कॉलिंग आणि दिवसाला १०० एसएमएस अशी सेवा दिली जाणार आहे.
३. १७९९ रुपयांच्या प्लॅनचे शुल्क १९९९ रुपये केले असून या प्लॅनमध्ये तुम्हाला ३६५ दिवसांची वैधता, २ जीबी डेटा, अनलिमिटेड कॉलिंग आणि दिवसाला १०० एसएमएस अशी सेवा दिली आहे.
डेली डेटा प्लॅन्स :
२८ दिवसांच्या डेली डेटा प्लॅन्सच्या शुल्कातही वाढ
१. २६५ रुपयांच्या प्लॅनचे शुल्क २९९ रुपये केले असून या प्लॅनमध्ये ग्राहकांना १ जीबी डेटा, अनलिमिटेड कॉलिंग आणि दिवसाला १०० एसएमएसचा लाभ मिळणार आहे.
२. २९९ रुपये प्लॅनच्या शुल्कात वाढ करून, ते ३४९ करण्यात आले असून या प्लॅनमध्ये ग्राहकांना १.५ जीबी डेटा, अनलिमिटेड कॉलिंग, दिवसाला १०० एसएमएस दिले जाणार आहेत.
३. ३५९ रुपयांचा प्लॅन ४०९ रुपये करण्यात आला असून त्यामध्ये तुम्हाला २.५ जीबी डेटा, अनलिमिटेड कॉलिंग, दिवसाला १०० एसएमएस इत्यादी फायदे मिळणार आहेत.
४. ३९९ रुपये प्लॅनचे शुल्क ४४९ रुपये केले असून त्यामध्ये ग्राहक ३ जीबी डेटा, अनलिमिटेड कॉलिंग आणि दिवसाला १०० एसएमएसचा लाभ मिळू शकतो.
तसेच ५६ दिवसांसाठी वैध असणाऱ्या ४७९ रुपयांच्या प्लॅनमध्ये तुम्हाला १.५ जीबी डेटा, अनलिमिटेड कॉलिंग आणि दिवसाला १०० एसएमएस दिले जात होते. त्याची किंमत आता ५७९ रुपये केली आहे. तसेच ५४९ रुपयांचा प्लॅन आता तुम्हाला ६४९ रुपयांमध्ये मिळणार आहे.
यामध्ये तुम्हाला २ जीबी डेटा, अनलिमिटेड कॉलिंग, १०० एसएमएसचा लाभ मिळणार आहे. तसेच ७१९ व ८३९ रुपयांच्या प्लॅनची किंमत आता ८५९ व ९७९ रुपये केली आहे. तसेच वर्षभराचा म्हणजेच ३६५ दिवस वैध असणारा प्लॅन रिचार्ज करण्यासाठी आता तुम्हाला ३,५९९ रुपये द्यावे लागणार असून अधिक अधिक माहितीसाठी एअरटेल कंपनीच्या अधिकृत वेबसाइटला भेट द्या.
