मुंबई : राज्यातील एका वरिष्ठ सरकारी अधिकाऱ्यांच्या पत्नीच्या कमाईचे आकडे ऐकून अनेकजण थक्क झाले आहेत. माजी आयुक्त अनिल कुमार पवार (Former Commissioner Anil Kumar Pawar) यांच्या पत्नी भारती अनिलकुमार पवार (Bharti Anilkumar Pawar) या महिन्याला तब्बल 85 ते 90 लाख रुपये कमावतात, असा खुलासा ईडीच्या चौकशीत झाला आहे.
अनिल कुमार पवार यांना 13 ऑगस्ट रोजी अटक करण्यात आली होती. दोन महिन्यांहून अधिक काळ त्यांना ईडीच्या ताब्यात ठेवण्यात आले होते. मात्र, अलीकडेच मुंबई उच्च न्यायालय आणि सर्वोच्च न्यायालयाने त्यांच्या अटकेला बेकायदेशीर घोषित केलं. त्याचवेळी त्यांच्या पत्नी भारती पवार यांच्यावरही मनी लॉन्ड्रिंगचा गुन्हा दाखल करण्यात आला होता. त्यांना अटक न करता ईडीने तब्बल पाच वेळा चौकशीसाठी बोलावलं आणि त्यावेळी त्यांनी आपल्या उत्पन्नाचे तपशील सादर केले.
महिन्याची कमाई
ईडीसमोर दिलेल्या माहितीनुसार, भारती पवार यांचे उत्पन्न खालीलप्रमाणे आहे.
BSR Realty: 20–25 लाख रुपये प्रतिमहिना
Janardan Agro Services: 20–25 लाख रुपये प्रतिमहिना
Shrutika Enterprises: 30–35 लाख रुपये प्रतिमहिना
कृषी उत्पन्न: 50–60 लाख रुपये वार्षिक
या आकडेवारीनुसार भारती पवार यांची वार्षिक कमाई सुमारे 10.8 कोटी , तर मासिक कमाई 85–90 लाख इतकी आहे.
ईडीकडून या प्रकरणाचा तपास सुरू असून, या प्रचंड उत्पन्नाचे स्त्रोत आणि त्यामागील आर्थिक व्यवहारांची सखोल छाननी केली जात आहे.
