पुणे: दौंड तालुक्यातील (Daund News) शेतकऱ्यांनी कष्टाने (Ajit Pawar) पिकवलेला ऊस (MLA Rahul Kul) हा पुणे जिल्ह्यातील माणूस येऊन गाळप करत आहे, ही आपली लायकी आहे काय? कारखाना कोणी उभारला, कारखाना कोणाचा आणि ऊस कोणाचा, पण गाळप कोण करतंय? तुमच्यात गाळप करण्याची धमक नाही का? असा सवाल करत उपमुख्यमंत्री अजित पवार यांनी आमदार राहुल कुल यांच्यावर नाव न घेता अप्रत्यक्ष टीका केली आहे.
दौंड शहरातील छत्रपती शिवाजी महाराज चौकात शुक्रवारी आयोजित जाहीर पक्षप्रवेश व संवाद मेळाव्यात ते बोलत होते. या कार्यक्रमात भाजपचे माजी व्यापारी आघाडीचे अध्यक्ष स्वप्निल शाह, भाजप युवा मोर्चाचे माजी जिल्हा उपाध्यक्ष मनोज फडतरे, भाजप नेते नंदू पवार यांच्यासह दौंड शहर आणि तालुक्यातील विविध पक्षातील अनेक कार्यकर्त्यांनी राष्ट्रवादी काँग्रेस पक्षात अधिकृत प्रवेश केला.
यावेळी अजित पवार म्हणाले की, दौंड हे महाराष्ट्र आणि भारताला जोडणारे एक महत्त्वाचे रेल्वे जंक्शन आहे. त्यामुळे दौंडला ‘मिनी भारत’ म्हणून ओळखले जाते. रेल्वेमंत्री वैष्णवी यांची दिल्लीत भेट घेऊन दौंड जंक्शनचा विकास कसा होईल यासाठी प्रयत्न करणार असल्याचे त्यांनी सांगितले. शहराला जोडणारे रस्ते सुधारले असून, यामुळे येत्या काळात दौंड शहरात विकासाच्या अनेक संधी उपलब्ध होतील, असेही त्यांनी नमूद केले.
पवार पुढे म्हणाले की, विद्या प्रतिष्ठानसारखी शैक्षणिक संस्था दौंड शहरापासून सुमारे 1.5 किलोमीटर अंतरावर उभी केली जाणार असून, दर्जेदार शिक्षण देण्याचा आमचा प्रयत्न असेल. काहीजण म्हणतात, बारामतीचा विकास झाला आणि इतर शहरे भकास आहेत. मात्र हे खरे नाही. मी सर्व भागांना मदत करतो. दौंड शहर आणि तालुक्याला मी मोठा निधी दिला आहे. त्यातून अष्टविनायकसारखा महामार्ग, तसेच दौंड-अहिल्यानगर जोडणारा रस्ता तयार झाला आहे. पीएमआरडीएच्या निधीतूनही दौंड तालुक्याला अनेक योजना मिळाल्या आहेत. मात्र दिलेला निधी योग्यरीत्या वापरला गेला पाहिजे, तरच शहराचा विकास होईल.
पवार म्हणाले, “सकाळी सहा वाजल्यापासून उठून काम करावं लागतं, लोकांच्या अडचणी समजून घ्याव्या लागतात. काम करताना सर्वांना बरोबर घेऊन जायचं असतं. दुजाभाव करून चालत नाही, तर योग्य कामाला योग्य ठिकाणी पैसे देण्याची आमची तयारी असते.”
ते पुढे म्हणाले की, आम्ही पुरोगामी विचार मांडणारे लोक आहोत. शिव-शाहू-फुले-आंबेडकर यांची विचारधारा डोळ्यासमोर ठेवून आम्ही राजकारण करतो. कधीही जातीपातीचे किंवा नातेसंबंधावर आधारित राजकारण केलेले नाही. छत्रपती शिवाजी महाराजांनी 18 पगड जाती आणि 12 बलुतेदारांना सोबत घेऊन हिंदवी स्वराज्याची स्थापना केली, त्याच तत्त्वावर आम्ही सर्वांना घेऊन चालतो.
यावेळी अजित पवार यांनी पोलिसांनाही सूचना देत म्हटले की, दौंड पोलिसांनी कायदा-सुव्यवस्था राखावी, चुकीचे गुन्हे दाखल करू नयेत, पण जो दोषी असेल त्याला सोडू नये. निरपराध लोकांना त्रास देऊ नये; कारण फार काळ ते सहन केले जात नाही, हे पोलीस प्रशासनाने लक्षात घ्यावे. दरम्यान, राष्ट्रवादी काँग्रेस पक्षात प्रवेश केलेल्या सर्व कार्यकर्त्यांना पवार यांनी पूर्ण ताकद देण्याचे आश्वासन दिले. “उठलो आणि फुफाट्यात बसलो अशी वेळ त्यांच्या वर येऊ देणार नाही,” असेही त्यांनी स्पष्ट केले.
यावेळी पूरग्रस्तांच्या मदतीसाठी स्वप्निल शहा यांनी मुख्यमंत्री सहाय्यता निधीसाठी 1,55,555 रुपयांचा धनादेश उपमुख्यमंत्री अजित पवार यांच्याकडे सुपूर्द केला. या कार्यक्रमास माजी आमदार रमेश थोरात, दौंड शुगरचे संचालक वीरधवल जगदाळे, राष्ट्रवादी काँग्रेसचे जिल्हाध्यक्ष प्रदीप गारडकर, वैशाली नागवडे, नितीन दोरगे यांच्यासह अनेक पदाधिकारी आणि कार्यकर्ते उपस्थित होते.
पुणे: दौंड तालुक्यातील शेतकऱ्यांनी कष्टाने पिकवलेला ऊस हा पुणे जिल्ह्यातील माणूस येऊन गाळप करत आहे, ही आपली लायकी आहे काय? कारखाना कोणी उभारला, कारखाना कोणाचा आणि ऊस कोणाचा, पण गाळप कोण करतंय? तुमच्यात गाळप करण्याची धमक नाही का? असा सवाल करत उपमुख्यमंत्री अजित पवार यांनी आमदार राहुल कुल यांच्यावर नाव न घेता अप्रत्यक्ष टीका केली आहे.
दौंड शहरातील छत्रपती शिवाजी महाराज चौकात शुक्रवारी आयोजित जाहीर पक्षप्रवेश व संवाद मेळाव्यात ते बोलत होते. या कार्यक्रमात भाजपचे माजी व्यापारी आघाडीचे अध्यक्ष स्वप्निल शाह, भाजप युवा मोर्चाचे माजी जिल्हा उपाध्यक्ष मनोज फडतरे, भाजप नेते नंदू पवार यांच्यासह दौंड शहर आणि तालुक्यातील विविध पक्षातील अनेक कार्यकर्त्यांनी राष्ट्रवादी काँग्रेस पक्षात अधिकृत प्रवेश केला.
यावेळी अजित पवार म्हणाले की, दौंड हे महाराष्ट्र आणि भारताला जोडणारे एक महत्त्वाचे रेल्वे जंक्शन आहे. त्यामुळे दौंडला ‘मिनी भारत’ म्हणून ओळखले जाते. रेल्वेमंत्री वैष्णवी यांची दिल्लीत भेट घेऊन दौंड जंक्शनचा विकास कसा होईल यासाठी प्रयत्न करणार असल्याचे त्यांनी सांगितले. शहराला जोडणारे रस्ते सुधारले असून, यामुळे येत्या काळात दौंड शहरात विकासाच्या अनेक संधी उपलब्ध होतील, असेही त्यांनी नमूद केले.
पवार पुढे म्हणाले की, विद्या प्रतिष्ठानसारखी शैक्षणिक संस्था दौंड शहरापासून सुमारे 1.5 किलोमीटर अंतरावर उभी केली जाणार असून, दर्जेदार शिक्षण देण्याचा आमचा प्रयत्न असेल. काहीजण म्हणतात, बारामतीचा विकास झाला आणि इतर शहरे भकास आहेत. मात्र हे खरे नाही. मी सर्व भागांना मदत करतो. दौंड शहर आणि तालुक्याला मी मोठा निधी दिला आहे. त्यातून अष्टविनायकसारखा महामार्ग, तसेच दौंड-अहिल्यानगर जोडणारा रस्ता तयार झाला आहे. पीएमआरडीएच्या निधीतूनही दौंड तालुक्याला अनेक योजना मिळाल्या आहेत. मात्र दिलेला निधी योग्यरीत्या वापरला गेला पाहिजे, तरच शहराचा विकास होईल.
पवार म्हणाले, “सकाळी सहा वाजल्यापासून उठून काम करावं लागतं, लोकांच्या अडचणी समजून घ्याव्या लागतात. काम करताना सर्वांना बरोबर घेऊन जायचं असतं. दुजाभाव करून चालत नाही, तर योग्य कामाला योग्य ठिकाणी पैसे देण्याची आमची तयारी असते.”
ते पुढे म्हणाले की, आम्ही पुरोगामी विचार मांडणारे लोक आहोत. शिव-शाहू-फुले-आंबेडकर यांची विचारधारा डोळ्यासमोर ठेवून आम्ही राजकारण करतो. कधीही जातीपातीचे किंवा नातेसंबंधावर आधारित राजकारण केलेले नाही. छत्रपती शिवाजी महाराजांनी 18 पगड जाती आणि 12 बलुतेदारांना सोबत घेऊन हिंदवी स्वराज्याची स्थापना केली, त्याच तत्त्वावर आम्ही सर्वांना घेऊन चालतो.
यावेळी अजित पवार यांनी पोलिसांनाही सूचना देत म्हटले की, दौंड पोलिसांनी कायदा-सुव्यवस्था राखावी, चुकीचे गुन्हे दाखल करू नयेत, पण जो दोषी असेल त्याला सोडू नये. निरपराध लोकांना त्रास देऊ नये; कारण फार काळ ते सहन केले जात नाही, हे पोलीस प्रशासनाने लक्षात घ्यावे. दरम्यान, राष्ट्रवादी काँग्रेस पक्षात प्रवेश केलेल्या सर्व कार्यकर्त्यांना पवार यांनी पूर्ण ताकद देण्याचे आश्वासन दिले. “उठलो आणि फुफाट्यात बसलो अशी वेळ त्यांच्या वर येऊ देणार नाही,” असेही त्यांनी स्पष्ट केले.
यावेळी पूरग्रस्तांच्या मदतीसाठी स्वप्निल शहा यांनी मुख्यमंत्री सहाय्यता निधीसाठी 1,55,555 रुपयांचा धनादेश उपमुख्यमंत्री अजित पवार यांच्याकडे सुपूर्द केला. या कार्यक्रमास माजी आमदार रमेश थोरात, दौंड शुगरचे संचालक वीरधवल जगदाळे, राष्ट्रवादी काँग्रेसचे जिल्हाध्यक्ष प्रदीप गारडकर, वैशाली नागवडे, नितीन दोरगे यांच्यासह अनेक पदाधिकारी आणि कार्यकर्ते उपस्थित होते.
