Mumbai Gang Rape: मुंबई: मुंबई शहरातून एक धक्कादायक माहिती समोर येत आहे. एका 22 वर्षीय महाविद्यालयीन विद्यार्थिनीवर सामूहिक लैंगिक अत्याचार (Gang Rape) झाल्याची धक्कादायक घटना समोर आली आहे. पीडित जेथे काम करायची त्या ठिकाणींच नराधमानी तिच्यावर लैंगिक अत्याचार केला. या घटनेनंतर परिसरात एकच खळबळ उडाली आहे. या प्रकरणी अंधेरी पोलिसांनी या घटनेत सहभागी असलेली सुषमा राव नावाच्या एका स्ट्रगलिंग मॉडेलला अटक करण्यात आली आहे, तर तिचे दोन साथीदार अद्याप फरार आहेत. Mumbai Gang Rape
हेही वाचा- काळीज पिळवटून टाकणारी घटना! आईच्या ट्रॅक्टरखालीच ३ लेकरं चिरडली. बहिण- भावाचा अंत
मिळालेल्या माहितीनुसार, पीडित विद्यार्थिनी अंधेरी येथील रहिवासी आहेत. ती आरोपी सुषमा रावच्या कार्यालयात गरम मसाला उत्पादनांच्या मार्केटिंग विक्रीसाठी पार्ट टाईम काम करत होती. सुषमाने पीडितेला सांगितले होते की, तिचे कार्यालय अंधेरी पूर्वेकडील जेबीनगर येथील एका लॉजमध्ये काही दिवसांसाठी भाड्याने घेतलेल्या खोलीत आहे. या ठिकाणी केवळ सुषमा आणि पीडिताच काम करत होती.
नेमकं काय घडलं?
काही दिवसांपूर्वी ऑफिसमध्ये काम करत असताना सुषमाने पीडितेला कॉल्डड्रिंग पिण्यास दिले होते. ते पिल्यानंतर पीडित बेशुध्द पडली. ती बेशुध्द झाल्यानंतर सुषमा आपल्या साथीदारासोबत पीडितेला एका रुममध्ये कोंडले. पीडित मुलीवर आळीपाळीने दोन्ही नराधमानी सामुहिक बलात्कार केला. यावरच थांबले नाही तर त्यांनी पीडितेचे अश्लिल फोटो आणि व्हिडिओ देखील काढले. पीडितेला जेव्हा जाग आली तेव्हा तीच्या शेजारी दोन अनोळखी पुरुष होते.
पीडितेने आरडाओरड करण्यास सुरुवात केली पंरतू आरोपींनी तिला तीचे अश्लिल फोटो आणि व्हिडिओ दाखवून धमकावून ठेवले. वेळ साधून पीडित घटनास्थळावरून कशीबशी निघाली. घाबरलेल्या मुलीनी अंधेरी पोलीस ठाण्यात जाण्याचे धाडस केले आणि सर्व हकिकत पोलिसांना सांगितली.
अधेंरी पोलिसांनी याकडे गांभीर्याने पाहत तक्रार नोंदवून घेतली. पोलिसांनी आरोपीचा शोध घेत पुढील तपासणी सुरु केली आहे. या गुन्ह्यात तीन जण सहभागी होते त्यापैकी महिलेला अटक करण्यात आले. परिमंडळ १० चे पोलीस उपायुक्त दत्ता नलावडे यांच्या मार्गदर्शनाखाली पथक नेमण्यात आले आहे. लॉजवरील सीसीटीव्ही फुटेज आणि तांत्रिक पुराव्यांच्या आधारे पुढील तपास करण्यात येत आहे.
