गोरेगावातील आगीत सात जणांचा मृत्यू; दुर्घटनेवर शोक व्यक्त करत पंतप्रधान नरेंद्र मोदींनी केली मदत जाहीर

पुणे प्राईम न्यूज: मुंबईमध्ये गोरेगाव येथील एका सोसायटीच्या इमारतीला शुक्रवारी पहाटे भीषण आग लागली. या अपघातात सात जणांचा मृत्यू झाला आहे, तर 51 जण जखमी झाले आहेत. दरम्यान, पंतप्रधान नरेंद्र मोदी यांनी आगीच्या या दुर्घटनेवर शोक व्यक्त केला आहे. तसेच मृतांच्या नातेवाईकांना दोन लाख तर जखमींना 50 हजार रुपयांची मदत देखील जाहीर केली आहे.

पंतप्रधान नरेंद्र मोदींकडून मुंबईतील गोरेगाव आगीच्या दुर्घटनेवर शोक व्यक्त करण्यात आली आहे. नरेंद्र मोदी यांनी या संदर्भात ट्विट केले आहे. पंतप्रधान मोदी आपल्या ट्वीटमध्ये म्हणाले की, गोरेगाव दुर्घटनेतील जीवितहानीमुळे खूप व्यथित झालो आहे. मुंबईतल्या गोरेगाव आगीच्या दुर्घटनेतील जीवितहानी वेदनादायी आहे. जखमींना लवकरात लवकर बरं वाटावं, अशी मी प्रार्थना करतो. सर्व पीडितांना आवश्यक ती मदत प्रशासन करत आहे. मृतांच्या कुटुंबियांना पीएमएनआरएफमधून प्रत्येकी दोन लाख रुपयांची सानुग्रह मदत दिली जाईल. जखमींना प्रत्येकी 50 हजार रुपये दिले जातील.

Pained by the loss of lives due to a fire mishap in Mumbai’s Goregaon. Condolences to the bereaved families. I pray that the injured recover soon. Authorities are providing all possible assistance to those affected.

An ex-gratia of Rs. 2 lakh from PMNRF would be given to the…

— PMO India (@PMOIndia) October 6, 2023

 

गोरेगावमध्ये एका इमारतीला लागलेली आग आटोक्यात आण्यासाठी चार तास लागले. आग विझवण्याच्या कामात आठ फायर इंजिन आणि इतर उपकरणे वापरण्यात आली. आगीची माहिती मिळताच पोलीस आणि अग्निशमन दलाच्या गाड्या घटनास्थळी दाखल झाल्या. तळमजल्यावरील दुकाने, भंगार साहित्य, पार्क केलेल्या वाहनांना आग लागली, त्यामुळे लोक वेगवेगळ्या मजल्यावर अडकले.

 

हेही वाचा:

Big news : पुणे इसिस मॉड्यूल प्रकरणात तीन महिलांचाही सहभाग; गर्दीच्या ठिकाणी बॉम्बस्फोट घडवण्याचा कट

राष्ट्रवादी कोणाची? थोड्याच वेळात सुनावणीला होणार सुरुवात; पक्ष आमचाच, बहुसंख्य लोकं आमच्यासोबत असल्याचा जयंत पाटलांचा दावा