Pune: राज्यभरात आणि देशभरात थंडीचं आगमन झालं असून, पहाटे–संध्याकाळी गारठा चांगलाच वाढला आहे. रस्त्याच्या कडेला अनेक ठिकाणी नागरिक शेकोटी पेटवून ऊब घेताना दिसत आहेत. अशातच पुण्यातील सारसबाग गणपतीला थंडीचा त्रास होऊ नये, यासाठी एक वेगळीच कल्पकता दाखवली आहे. (Sarasbagh Ganapati)
सारसबाग येथील गणपती बाप्पाला उबदार स्वेटर व गोंडस कानटोपी परिधान करण्यात आली असून, बाप्पाच्या या लाडिक रूपाचे फोटो सोशल मीडियावर धुमाकूळ घालत आहेत. थंडीच्या या वातावरणात स्वेटरमधील बाप्पाचं हे खास रूप पाहून भक्त भाविक आनंदी झाले आहेत. प्रसाद, आरतीसोबत आता बाप्पाच्या उबदार पोशाखाचीही चर्चा सुरु असून, मंदिरात येणारे भक्त या अनोख्या सजावटीचे कौतुक करत आहेत.
दरम्यान, पुण्यात रात्रीच्या तापमानात घट होत असून पुढील काही दिवस गारठा कायम राहण्याची शक्यता हवामान खात्याने व्यक्त केली आहे.
