Pune Rural Police : पुणे, : पुणे ग्रामीण पोलीस मुख्यालय आणि हवेली उपविभागीय पोलीस अधिकारी कार्यालयाचे वार्षिक निरीक्षण कोल्हापूर परिक्षेत्राचे विशेष पोलीस महानिरीक्षक सुनील फुलारी यांनी पूर्ण केले. या भेटीदरम्यान त्यांनी गुन्ह्यांचा आढावा घेऊन प्रलंबित तपासाबाबत मार्गदर्शन केले, तसेच विविध क्षेत्रांत उल्लेखनीय कामगिरी करणाऱ्यांचा सन्मान केला. Pune Rural Police
उत्कृष्ट गणेश मंडळ पुरस्कार
शासकीय नियमांचे पालन करून पर्यावरणपूरक देखावे सादर केल्याबद्दल ‘उत्कृष्ट मंडळ पुरस्कार’ देण्यात आला. यामध्ये मार्केट यार्ड मित्र मंडळ, मंचर (मंचर पोलीस स्टेशन), जय भवानी गणेश मित्र मंडळ, वांगणी (हवेली पोलीस स्टेशन), मोरया प्रतिष्ठान, वरवंड (दौंड पोलीस स्टेशन), Pune Rural Police
कर्तबगार महिला पोलीस पाटलांचा सन्मान
गुन्हे उघडकीस आणण्यासाठी आणि कायदा-सुव्यवस्था राखण्यासाठी मदत केल्याबद्दल महिला पोलीस पाटलांना सन्मानित करण्यात आला. यामध्ये श्रीमती कल्पिता चंद्रकांत बोऱ्हाडे (लाखणगाव, पारगाव कारखाना पोलीस स्टेशन), नीता दीपक वाघमारे (लिंगाळी, दौंड पोलीस स्टेशन). शैला लक्ष्मण खेडकर (भांबार्डे, शिरूर पोलीस स्टेशन) Pune Rural Police
विशेष पोलीस महानिरीक्षक आणि पोलीस अधीक्षक संदीप सिंह गिल्ल यांनी उद्योजक संघटनेच्या पदाधिकाऱ्यांशी चर्चा केली. स्थानिक लोकांकडून होणाऱ्या त्रासाबाबत उद्योजकांनी तक्रारी मांडल्या असता, त्यांना योग्य ती कायदेशीर मदत करण्याचे आश्वासन पोलीस प्रशासनाने दिले. Pune Rural Police
तपास पथकांचे कौतुक
गंभीर गुन्ह्यांचा छडा लावणाऱ्या स्थानिक गुन्हे अन्वेषण विभाग (LCB), राजगड आणि रांजणगाव एम.आय.डी.सी. पोलीस स्टेशनच्या पथकांना उत्कृष्ट तपासासाठी सन्मानपत्रे देण्यात आली. तसेच गुन्ह्यांमध्ये ‘दोषसिद्धी’ (Conviction) मिळवून देण्याबाबत दौंड, जुन्नर आणि मंचर पोलीस स्टेशनची कामगिरी उल्लेखनीय ठरली. Pune Rural Police
दरम्यान, याप्रसंगी पोलीस अधीक्षक संदीप सिंह गिल्ल, अपर पोलीस अधीक्षक गणेश बिरादार (बारामती विभाग), उपविभागीय अधिकारी सुनील पुजारी आणि इतर वरिष्ठ अधिकारी उपस्थित होते. शेवटी, “कोणत्याही परिस्थितीत पोलीस दलाची प्रतिमा मलीन होऊ देऊ नका,” अशा कडक सूचना सुनील फुलारी यांनी उपस्थित अधिकारी व अंमलदारांना दिल्या. Pune Rural Police
