Bhor News पुणे, ता. ३ : नरसापूर येथील चिमुकलीवरील अत्याचार व हत्याकांड प्रकरणात धक्कादायक घडामोड समोर आली असून आरोपी भीमराव कांबळे याने पोलिसांसमोर गुन्ह्याची कबुली दिल्याची माहिती तपासातून पुढे आली आहे. या अमानुष घटनेमुळे संपूर्ण महाराष्ट्र हादरला असून संतापाची तीव्र लाट उसळली आहे. Bhor News
चार वर्षांच्या चिमुकलीवर अत्याचार करून तिची निर्घृण हत्या करण्यात आल्याने परिसरात भीती व संतापाचे वातावरण निर्माण झाले आहे. पोलिसांच्या प्राथमिक तपासात आरोपीची विकृत प्रवृत्ती समोर आली असून तो अल्पवयीन मुलींवर वाईट नजर ठेवत असल्याची बाबही उघड झाली आहे. Bhor News
या घटनेनंतर संतप्त नागरिकांनी मोठ्या प्रमाणावर निषेध व्यक्त केला. चिमुकलीच्या अंत्यसंस्कारापूर्वी नागरिकांनी काही काळ रस्ता रोखून धरला होता. पोलिसांनी समजूत काढल्यानंतर अंत्यसंस्कार पुण्यातील वैकुंठ स्मशानभूमीत कडक पोलीस बंदोबस्तात पार पडले. दरम्यान, पीडित कुटुंबीयांनी आरोपीला तातडीने कठोरात कठोर शिक्षा देण्याची मागणी केली आहे. Bhor News
तपासादरम्यान आरोपीचा चिमुकलीचा पाठलाग करतानाचा सीसीटीव्ही फुटेजही समोर आला असून पोलिसांकडून त्याची सखोल चौकशी सुरू आहे. या प्रकरणाची दखल राष्ट्रीय स्तरावरही घेण्यात आली आहे. बालहक्क आणि महिला आयोगाने तपासावर लक्ष ठेवत दोषींवर जलद कारवाई, फास्ट ट्रॅक न्यायालयात खटला आणि पीडित कुटुंबाला मदत देण्याबाबत निर्देश दिले आहेत.
दरम्यान, या अमानुष घटनेच्या निषेधार्थ आज भोर आणि राजगड तालुक्यात बंदची हाक देण्यात आली आहे. विविध संघटना, व्यापारी व नागरिकांनी या बंदमध्ये सहभागी होत आरोपीला फाशीची शिक्षा देण्याची मागणी जोर धरली आहे. काही ठिकाणी आंदोलनाचीही तयारी करण्यात आली असून परिसरात तणावपूर्ण शांतता आहे. Bhor News
