पुणे: उच्च सुरक्षा नंबरप्लेट म्हणजेच (Pune News) एचएसआरपी बसविण्यासाठी 31 डिसेंबर ही अखेरची (HSRP Number Plate) तारीख असताना पुणे शहरात (HSRP Number Plate Last Date) आतापर्यंत अपेक्षित प्रमाणात वाहनांवर नंबरप्लेट बसवली गेली नसल्याचे समोर आले आहे. उपलब्ध माहितीनुसार, पुण्यात सध्या केवळ 10 लाख वाहनधारकांनीच सुरक्षा नंबरप्लेटसाठी नोंदणी केली असून त्यापैकी सुमारे 8 लाख वाहनांवर प्रत्यक्ष नंबरप्लेट बसवण्यात आली आहे. पुण्यात एकूण 26 लाखांहून अधिक वाहनांना ही नंबरप्लेट बसवणे आवश्यक असून अद्याप सुमारे 16 लाख वाहनांवर सुरक्षा नंबरप्लेट बसवायची बाकी आहे. (Latest Marathi News)
नंबरप्लेट बसवणे बंधनकारक
उच्च न्यायालयाच्या आदेशानुसार 1 एप्रिल 2019 पूर्वी नोंदणी झालेल्या सर्व वाहनांना सुरक्षा नंबरप्लेट बसवणे बंधनकारक करण्यात आले आहे. त्यानुसार परिवहन विभागाने जानेवारी 2025 पासून ही प्रक्रिया सुरू केली होती. अपघात किंवा गुन्ह्यांमध्ये सहभागी वाहनांचा शोध लवकर लागावा, तसेच वाहनांची ओळख सुरक्षित राहावी, यासाठी ही नंबरप्लेट अनिवार्य करण्यात आली आहे. या नंबरप्लेटमुळे अनेक गुन्हे आणि अपघातांतील वाहनांचा तपास सोपा होत असल्याचेही सांगण्यात येत आहे. (Marathi News)
पाच वेळा मुदतवाढ तरीही..
परिवहन विभागाकडून आतापर्यंत पाच वेळा मुदतवाढ देण्यात आली आहे. तरीही अनेक वाहनधारकांनी सुरक्षा नंबरप्लेट बसवण्याकडे दुर्लक्ष केल्याचे चित्र दिसत आहे. डिसेंबर महिन्यात केवळ 50 हजार वाहनचालकांनीच नंबरप्लेटसाठी नोंदणी केली आहे. हा वेग पाहता उर्वरित वाहनांना नंबरप्लेट बसवण्यासाठी आणखी काही महिने लागू शकतात.
आता मुदवध की थेट कारवाई?
दरम्यान, सुरुवातीला फिटमेंट सेंटर कमी असल्याची तक्रार करण्यात येत होती. मात्र आरटीओच्या सूचनेनुसार काही प्रमाणात फिटमेंट सेंटरची संख्या वाढवण्यात आली आहे. असे असतानाही नागरिकांकडून अपेक्षित प्रतिसाद मिळत नसल्याचे दिसत आहे. सध्या सुमारे 65 टक्के वाहनांवर सुरक्षा नंबरप्लेट बसवलेली नाही. आता उरलेल्या वाहनधारकांसाठी परिवहन विभाग पुन्हा मुदतवाढ देणार की थेट कारवाई सुरू करणार, याकडे सर्वांचे लक्ष लागले आहे.
