पुणे: पुणे शहरातील वाढती वाहतूक (Pune Double-Decker Flyove) कोंडी (Pune News) कमी करण्यासाठी भैरोबा नाला ते यवत दरम्यान दुमजली (Devendra Fadanavis) उड्डाणपूल उभारण्याचा निर्णय राज्य सरकारने घेतला आहे. या उड्डाणपुलाच्या दुसऱ्या मजल्यावर मेट्रो मार्ग प्रस्तावित करण्यात येणार असल्याची माहिती मुख्यमंत्री देवेंद्र फडणवीस यांनी दिली. पायाभूत सुविधा समितीच्या बैठकीत राज्यातील महत्त्वाच्या पायाभूत प्रकल्पांचा आढावा घेताना त्यांनी ही माहिती दिली. (Breaking News)
वाहतूक कोंडीची समस्या सुटणार (Pune Traffic)
भैरोबा नाला ते यवत हा मार्ग शहरातील अत्यंत वर्दळीचा असून येथे सातत्याने वाहतूक कोंडी होत असते. ही समस्या सोडवण्यासाठी राज्य सरकार विविध उपाययोजना राबवत आहे. त्याचाच भाग म्हणून दुमजली उड्डाणपूल उभारण्याचा निर्णय घेण्यात आला आहे. या माध्यमातून वाहनांची वाहतूक सुरळीत करण्यासोबतच भविष्यातील सार्वजनिक वाहतूक गरजाही पूर्ण केल्या जाणार आहेत. (Marathi News)
वाहतूक कोंडीसाठी उपाययोजनांचे निर्देश
मुख्यमंत्री देवेंद्र फडणवीस म्हणाले की, नागरीकरणाचा वेग वाढत असल्यामुळे शहरांमध्ये वाहतूक कोंडीची समस्या गंभीर होत आहे. त्यामुळे वाहतूक कोंडी सोडवणे हे शासनाचे प्राधान्य आहे. पुणे जिल्ह्यातील हडपसर ते यवत या मार्गावर वाहतूक कोंडी कमी करण्यासाठी रस्त्यांची सुधारणा करून उन्नत महामार्ग बांधण्यात यावा. तसेच भैरोबा नाल्याजवळील वाहतूक कोंडी सोडवण्यासाठी तातडीच्या आणि आवश्यक उपाययोजना करण्याचे निर्देश प्रशासनाला देण्यात आले. (Marathi Batmya)
राज्यात सुरू असलेले तसेच प्रस्तावित पायाभूत सुविधा प्रकल्पांना गती शक्ती पोर्टलवरून मान्यता देण्यात यावी. प्रत्येक प्रकल्पाला गती शक्ती पोर्टलची मान्यता मिळाल्यानंतर तो पायाभूत सुविधा समितीसमोर सादर करण्यात यावा, असे निर्देशही मुख्यमंत्री फडणवीस यांनी दिले.
या बैठकीला उपमुख्यमंत्री एकनाथ शिंदे, उपमुख्यमंत्री अजित पवार, महसूल मंत्री चंद्रशेखर बावनकुळे, वैद्यकीय शिक्षण मंत्री हसन मुश्रीफ, सार्वजनिक बांधकाम मंत्री शिवेंद्रसिंहराजे भोसले, मुख्य सचिव राजेश अग्रवाल उपस्थित होते. सार्वजनिक बांधकाम विभागाच्या अपर मुख्य सचिव मनीषा महेशकर यांनी बैठकीत सादरीकरण केले. यावेळी महा मेट्रोचे व्यवस्थापकीय संचालक श्रावण हर्डीकर यांच्यासह वरिष्ठ अधिकारी उपस्थित होते.
