पुणे: पुणे शहरातील मांजरी (Pune Crime) परिसरातील बेलेकर वस्ती येथे (Pune News) असलेल्या ‘हॉटेल हॅप्पी पंजाब’मध्ये (Hotel Happy Panjab) घडलेल्या एका धक्कादायक घटनेने परिसरात खळबळ उडाली आहे. जेवणासाठी गेलेल्या दोन तरुणांना हॉटेलमधील वेटर आणि मालकाने किरकोळ कारणावरून बेदम मारहाण केल्याची घटना उघडकीस आली आहे. या संपूर्ण प्रकाराचा सीसीटीव्ही फुटेज समोर आल्याने प्रकरण अधिक गंभीर बनले आहे. (Breaking News)
गेट उघडण्याची विनंती केली अन्…
मिळालेल्या माहितीनुसार, आशिष भगत आणि त्याचा एक मित्र दोन दिवसांपूर्वी हॉटेल हॅप्पी पंजाबमध्ये जेवणासाठी गेले होते. जेवण आटोपल्यानंतर ते बाहेर निघण्याच्या तयारीत असताना त्यांनी हॉटेलचा गेट उघडण्याची विनंती केली. मात्र याच कारणावरून हॉटेलमधील वेटरने त्यांच्याशी हुज्जत घालण्यास सुरुवात केली. सुरुवातीला शाब्दिक वाद झाला, मात्र काही वेळातच हा वाद थेट हाणामारीत बदलला. (Marathi News)
लाथाबुक्क्यांनी मारहाण
या वेळी हॉटेलचा वेटर आणि मालकाने एकत्र येत आशिष भगत आणि त्याच्या मित्राला मारहाण केली. दोघांनाही लाथाबुक्क्यांनी आणि हातांनी बेदम मारल्याचे सीसीटीव्ही फुटेजमध्ये स्पष्टपणे दिसत आहे. अचानक झालेल्या या प्रकारामुळे हॉटेलमधील इतर ग्राहकांमध्येही भीतीचे वातावरण निर्माण झाले आणि एकच गोंधळ उडाला. (Marathi Batmya)
हेही वाचा: लग्नाच्या पहिल्या रात्रीच नवरदेवाने सांगितलं भयानक सत्य म्हणाला ” मी शरीसंबंध.. नंतर जे घडलं ते…
या घटनेनंतर पीडित तरुणांनी हडपसर पोलीस ठाण्यात धाव घेत तक्रार दाखल केली. पोलिसांनी या प्रकरणी हॉटेलचे मालक आणि वेटरसह एकूण 4 जणांविरोधात गुन्हा दाखल केला आहे. सध्या सीसीटीव्ही फुटेजच्या आधारे पोलिसांकडून तपास सुरू असून संबंधित आरोपींची चौकशी केली जात आहे.
