पुणे: बारामती एमआयडीसी (Pune Crime) परिसरात चाकूचा धाक दाखवून (Pune News) स्कुटीवरून जाणाऱ्या नागरिकाला लुटणाऱ्या दोन गुन्हेगारांना बारामती तालुका (Baramati News) पोलिसांनी अवघ्या काही दिवसांत जेरबंद केले आहे. या कारवाईत पोलिसांनी एकूण 5 लाख 16 हजार रुपये किमतीचा मुद्देमाल हस्तगत केला असल्याची माहिती पोलीस निरीक्षक चंद्रशेखर यादव यांनी दिली. (Breaking News)
गाडी अडवली, चाकूचा धाक दाखवला
घटनेत फिर्यादी स्कुटीवरून जात असताना वंजारवाडी ब्रिजजवळ लिंबाच्या झाडाजवळ मोटारसायकलवर आलेल्या दोन इसमांनी त्यांची गाडी अडवली. आरोपींनी धारदार चाकूचा धाक दाखवून फिर्यादीला धमकावले आणि त्यांच्या हातातील 38 ग्रॅम सोन्याच्या बांगड्या तसेच 3 ग्रॅम सोन्याची अंगठी हिसकावून घटनास्थळावरून पळ काढला. फिर्यादीने दिलेल्या तक्रारीनुसार पोलिसांनी तात्काळ गुन्हा दाखल केला. (Marathi News)
हेही वाचा: कला केंद्रावालीच्या प्रेमात झाला पार वेडा! बायकोसमोरच ती घरी यायची; सोनं दिलं, आरडी मोडली तरीही…
5 लाखांचा मुद्देमाल जप्त
गुप्त माहितीच्या आधारे तपासाची गती वाढवत पोलिसांनी चैतन्य राजेंद्र केकान आणि धीरज हरिश्चंद्र पवार (दोघेही रा. बारामती) हे या लुटीचे आरोपी असल्याचे निष्पन्न केले. दोघांना ताब्यात घेऊन चौकशी केल्यानंतर त्यांनी गुन्ह्याची कबुली दिली. त्यांच्या अटकेनंतर पोलिसांनी लुटीत वापरलेले दागिने तसेच दागिने विक्रीतून मिळालेली 1 लाख 40 हजार रुपयांची रोख रक्कम असा एकूण 5 लाख 16 हजार रुपयांचा मुद्देमाल जप्त केला. (Marathi Batmya)
ही कारवाई पोलीस अधीक्षक संदीपसिंह गिल, अप्पर पोलीस अधीक्षक गणेश बिराजदार आणि उपअधीक्षक सुदर्शन राठोड यांच्या मार्गदर्शनाखाली करण्यात आली. पोलीस निरीक्षक चंद्रशेखर यादव यांच्या नेतृत्वाखालील पथकात पोलीस उपनिरीक्षक दिपाली गायकवाड, धनश्री भगत, ग्रेड पोलीस उपनिरीक्षक कल्याण शिंगाडे, सुरेंद्र वाघ, भारत खारतोडे, मनोज पवार आणि दादा दराडे यांनी या कारवाईत महत्त्वपूर्ण भूमिका बजावली.
