Pune Crime: पुणे : पुण्यातील चंदननगर परिसरातील ऑक्सिजन पार्कमध्ये एका युवकाची हत्या झाल्याची घटना घडली आहे. या घटनेनंतर परिसरात एकच खळबळ उडाली आहे. या हत्ये प्रकरणाची पोलिसांनी एकूण 5 जणांना अटक केली असून, एका अल्पवयीनाला ताब्यात घेण्यात आले आहे. प्राथमिक तपासात ही घटना प्रेमसंबंधातून उद्भवलेल्या वादातून झाल्याचे समोर आले आहे. हेही वाचा- LONI KALBHOR NEWS: पोलीसांची जुगार अड्ड्यावर धडक कारवाई; साडेपाच लाखांचा मुद्देमाल जप्त, 11 जणांवर गुन्हे दाखल
मिळालेल्या माहितीनुसार, हत्या झालेल्या युवकाचे नाव लखन बाळू सकट (१८ वय )असे आहे. लखन आणि आरोपीमध्ये वाद झाला होता. हा वाद इतका टोकाला गेला की, दोघांमध्ये मारामारी झाली आणि दरम्यान आरोपीच्या मित्रांनी मिळून लखनचा खून केला. ही घटना शनिवारी ६ डिसेंबर रोजी सांयकाळी घडली.
पोलिसांनी लखनच्या हत्येप्रकरणी प्रथमेश शंकर दारकू (२०), यश रवींद्र गायकवाड (१९), जानकीराम परशराम वाघमारे (१८), महादेव पांडुरंग गंगासागरे (१९), बालाजी आनंद पेदापुरे (१९, सर्व रा. बोराटे वस्ती, चंदननगर) आणि करण निवृत्ती सरवदे (१८, रा. गणेशनगर, वडगाव शेरी) यांना आरोपींना अटक केली. लखन यांचे काका केशव बबन वाघमारे यांनी चंदननगर पोलीस ठाण्यात प्रथमेश विरोधात तक्रार केली.
नेमकी घटना काय?
पोलिसांकडून मिळालेल्या माहितीनुसार, एका अल्पवयीन मुलीशी संबंधित प्रेमसंबंधांवरून लखन आणि आरोपी यश गायकवाड यांच्यात आधीपासूनच वाद सुरू होता. शनिवारी ६ डिसेंबर सायंकाळी लखनला चंदननगरमधील राजमाता जिजाऊ ऑक्सिजन पार्क परिसरात बोलावून घेण्यात आले. लखन मित्रासोबत तेथे पोहोचताच यशने त्याच्याकडे “त्या मुलीशी तुझा संबंध काय?” असा जाब विचारल्याचे समोर आले.
वाद वाढताच यश आणि त्याच्या साथीदारांनी लखनला लाथाबुक्कींनी मारहाण केली. तसेच त्याच्यावर धारदार शस्त्राने वार केल्याने तो गंभीर जखमी झाला. तातडीने खाजगी रुग्णालयात नेण्यात आले असता उपचार सुरू होण्यापूर्वीच त्याचा मृत्यू झाल्याचे डॉक्टरांनी सांगितले.
घटनेनंतर आरोपी पळून गेले होते. मात्र रात्री उशिरा सर्व 6 आरोपी पोलिसांच्या ताब्यात आले आणि 5 अल्पवयीनांना देखील संरक्षणात्मक ताब्यात घेण्यात आले. या घटनेनंतर परिसरात एकच खळबळ उडाली होती.
