Nashik Crime : इगतपुरी तालुक्यातील टाकेद खुर्द परिसरात बुधवारी 3 डिसेंबर रोजी सायंकाळी एका धक्कादायक घटनेने खळबळ उडाली. किरकोळ वादातून सुरू झालेला राग वाढत जाऊन सरळ एका हत्येवर येऊन पोहोचला आहे. या प्रकरणातून पोलिसांनी आरोपीला ताब्यात घेतले आहे.
मिळालेल्या माहितीनुसार, पंढारी निवृत्त नाडेकर (रा. उंटवाडी, टाकेद खुर्द) या व्यक्तीचा मृत्यू झाला असून, संशयित शिवराम चिंदू गंभिरे (वय 68, रा. उंटवाडी, टाकेद खुर्द) याला घोटी पोलिसांनी घटनास्थळावरून ताब्यात घेतले.
नेमकं काय घडलं?
पंढरी नाडेकर यांनी शिवराम गंभीरे यांच्या चारचाही वाहनावर कुऱ्हाच मारली. त्यामुळे कारचे भरपूर नुकसाना झाले. कार चालकाने याचा राग मनात धरत त्याच कुऱ्हाडीने पंढरी यांना मारहाण केली. या मारहाणीत पंढरी हे अत्यंत जखमी झाली. पंढरी यांचा उपचारादरम्यान मृत्यू झाला. या घटनेनंतर गावात एकच खळबळ उडाली आहे.
पंढरी आणि शिवराम यांच्यात आधीपासून भांडण होतं. पंढरी यांनी शिवरामला ‘माझ्या बायकोला तुझ्या शेतात कामाला का नेतो?’ अशी विचारणा केली होती यावरून त्यांच्या वादा निर्माण झाला. हा वाद इतका भंयकर होता की, त्यांनी एकमेंकाचं नुकसान करायचं ठरवलं. हाच वाद मनात ठेवून शिवराम यांनी पंढरीला माराहण केली.
या प्रकरणी रोशन भाऊराव नाडेकर यांच्या फिर्यादीवरून आरोपी शिवराम गंभीर यांच्यावर0 घोटी पोलीस ठाण्यात खुनाचा गुन्हा नोंदवण्यात आला आहे. या घटनेनंतर गावात शोककळा पसरली आहे.
