पुणे: डॉ. बाबासाहेब आंबेडकर महापरिनिर्वाण (Road Diversion) दिनानिमित्त 6 डिसेंबर रोजी पिंपरी (Pune News) चौकातील डॉ. बाबासाहेब आंबेडकर पुतळा स्मारक परिसरात मोठी गर्दी होत असल्याने, पिंपरी-चिंचवड वाहतूक शाखेने वाहतुकीत तात्पुरते बदल केले आहेत. पोलिस उपायुक्त (वाहतूक) विवेक पाटील यांनी जारी केलेल्या आदेशांनुसार शनिवार, 6 डिसेंबर रोजी दुपारी 12 ते रात्री 10 वाजेपर्यंत खालील मार्गांवर निर्बंध लागू राहणार आहेत. वाहनचालकांनी पर्यायी मार्गांचा वापर करून वाहतूक शाखेला सहकार्य करावे, असे आवाहन करण्यात आले आहे.
बंद राहणारे मार्ग
कासारवाडीतील नाशिक फाटा चौक ते पिंपरी येथील डॉ. बाबासाहेब आंबेडकर चौक दरम्यान सेवा रस्त्यावरून सर्व प्रकारच्या वाहनांना प्रवेश बंद राहील.
पर्यायी मार्ग : डेअरी फार्म ग्रेडसेपरेटरमार्गे किंवा खराळवाडीतील एच. पी. पेट्रोल पंपसमोरील मार्गाने वाहनचालकांनी पुढे जावे.
पिंपरी रेल्वे स्थानकाजवळील स्व. इंदिरा गांधी पूल ते डॉ. बाबासाहेब आंबेडकर चौक हा मार्ग वाहतुकीसाठी बंद असेल.
पर्यायी मार्ग : मोरवाडी चौक मार्गे वाहनचालकांनी इच्छित स्थळी प्रवास करावा.
नेहरूनगर चौक ते डॉ. बाबासाहेब आंबेडकर चौक या मार्गावरही वाहन प्रवेश बंद असेल.
पर्यायी मार्ग : एच. ए. कॉर्नर बसथांबा ते मासुळकर कॉलनी मार्गे पुढील प्रवास करावा.
महापरिनिर्वाण दिनानिमित्त पिंपरी चौकात होणारी मोठी गर्दी आणि नागरिकांच्या सुरक्षिततेचा विचार करून हे बदल करण्यात आले आहेत. निर्धारित वेळेत या मार्गांवर पोलीस तैनात राहतील आणि वाहतूक सुरळीत ठेवण्यासाठी आवश्यक ती उपाययोजना करण्यात येईल. वाहनचालकांनी नियमांचे पालन करावे आणि पर्यायी मार्गांचा वापर करून पोलिसांना सहकार्य करावे, असेही आवाहन पिंपरी-चिंचवड वाहतूक शाखेकडून करण्यात आले आहे.
