Nagpur Leopard : नागपूर: नागपूरच्या पारडी परिसरात एक बिबट्या निवासी भागात शिरल्याने मोठी घबराट पसरली आहे. दि. 9 डिसेंबर रोजी संध्याकाळी 6.30 च्या सुमारास एका घरात प्रवेश करण्याचा प्रयत्न केला. बिबट्याला बघताच नागरिकांमध्ये गोंधळ उडाला. सर्वजण पळू लागले आणि अशातच सात जण जखमी झाले.
हेही वाचा- कला केंद्रावालीच्या प्रेमात झाला पार वेडा! बायकोसमोरच ती घरी यायची; सोनं दिलं, आरडी मोडली तरीही…
पुण्यानंतर नागपूर शहरात देखील बिबट्याची दशहत वाढू लागली आहे. पारडी परिसरात बिबड्याच्या दशहतीमुळे चिंतेचे वातावरण पसरले आहे. सोशल मीडियावर व्हायरल झालेल्या व्हिडिओंमध्ये बिबट्या टेरेसवरून थेट घरात उडी मारताना दिसतो. अचानक उपस्थित झालेल्या या परिस्थितीमुळे परिसरात एकच हाहाकार माजला.
या घटनेत जखमी झालेल्या लोकांना तात्काळ पारडी येथील श्री भवानी रुग्णालयात दाखल करण्यात आले आहे. बिबट्याच्या हालचालीत वाढ झाल्याने परिसरातील नागरिकांनी वनविभागाला माहिती दिली.
मानद वन्यजीव वॉर्डन अजिंक्य भाटकर यांनी सांगितले की, माहिती मिळताच यांनी तातडीने ट्रान्झिट ट्रीटमेंट सेंटरची टीम घटनास्थळी पाठवण्याचे आदेश दिले. “टीमने सकाळी 9:30 वाजता ऑपरेशन सुरू केले आणि एका तासाच्या आत पूर्ण केले. परिस्थिती पूर्णपणे नियंत्रणात आणण्यात आली.” अशी माहिती भाटकर यांनी दिली.
वन विभागाच्या जलद कारवाईमुळे मोठा अनर्थ टळला असून बिबट्याला सुरक्षित ताब्यात घेण्यात आले आहे. बिबट्याच्या हल्ल्यामुळे अनेक ठिकाणी भीतीचे वातावरण बनले आहे. हिवाळी अधिवेशनात देखील बिबट्याच्या विषयांवर गंभीर चर्चा सुरु आहे.
